ഉദയമെത്തുമ്പോൾ

 

 

ഉദയമെത്തുമ്പോൾ
കിതപ്പു കോസടി
ചുരുട്ടു മഞ്ചകൾ
നിലമുരുക്കുന്നു.

തണുപ്പു ചൂളവും
തുളഞ്ഞ വങ്കുകൾ
വശം കെടുംവരെ
മടുപ്പ് ചൊല്ലുന്നു.

ശിരസ്സുണർത്തലും
ശമിത ചലനവും
അകക്കിണർ വരി
പതിഞ്ഞിറങ്ങുന്നു.

ഇടഞ്ഞെരുക്കവും
പതുപ്പ് ഭാഷയും
പതുങ്ങി നോവുമായ്
അകം ചുരുട്ടുന്നു.

നയം നനയ്ക്കലും
വചനം നടക്കലും
തണുപ്പിൻ വിറയുമായ്
വഴി വെറുക്കുന്നു.

തോമരായം ചെടി
ജൈവതം സ്വേച്ഛകൾ
മൂകമിരിപ്പുകൾ
ഭഗ്നം വിഴുങ്ങുന്നു.

മാംസധാതുക്കളിൽ
ചലനമറ്റാധികൾ
ക്ഷാരസ്വഭാവിയായ്
പെയ്യാനിരിക്കുന്നു

മുഖത്തും തലയിലും
മടൽ വന്നു മൂടിലും
വെയിൽപ്പറ്റു ചേലിൽ
ഇണങ്ങാതിരിക്കുന്നു
——————————
കയ്പമൃതു വള്ളികൾ
നനയ്ക്കുന്ന നേരം,
ഉടൽ തൊട്ടുനോക്കി,
താനെന്നു കണ്ടു.

തായ്ത്തടി..
മൂലകാണ്ഡങ്ങൾ..
പച്ചിലപ്പട്ടം തപിച്ചു

വളരുന്ന മക്കൾ
വൈകുന്ന കണ്ട്
വിളക്കൂതി വെച്ചു
ഇരുൾ നൂലനക്കം
മാന്ദ്യം പകപ്പ്.

സഹ്യം..
ചെടിയിരവുകളെന്നും
പൂമണക്കുന്നു.

അഭിപ്രായങ്ങൾ

അഭിപ്രായങ്ങൾ

SHARE
Previous articleപകൽക്കിനാവ്
Next articleകേരള കലാമണ്ഡലം ; നവീകരിച്ച ചിത്രങ്ങളും ശിൽപവും അനാഛാദനം ചെയ്തു
തൃശ്ശൂർ ജില്ലയിൽ കൊടകര കാവിൽ ദേശത്ത് പരേതരായ ശ്രീ കുറുപ്പത്ത് മുകുന്ദൻ മേനോന്റേയും ശ്രീമതി രാധമ്മയുടേയും മകൻ. കൊടകര ഗവ: നാഷണൽ ബോയ്സ് ഹൈസ്ക്കൂൾ, തൃശ്ശൂർ ഗവ: കോളേജ്, ഇരിങ്ങാലക്കുട ക്രൈസ്റ്റ് കോളേജ് എന്നിവിടങ്ങളിലായി വിദ്യാഭ്യാസം. ഡൽഹിയിലും വിദേശത്തുമായി ജനറൽ മാനേജ്മെന്റിലും എക്കൗണ്ട്സ് ഫിനാൻസ്, പ്ലാന്റേഷൻ മേഖലകളിലുമായി മുപ്പത് വർഷം ജോലിചെയ്തു. 2019 മുതൽ കൊടകരയിൽ കാവിൽ ദേശത്ത് മുകുന്ദനിവാസിൽ സ്ഥിരതാമസം. തലവണിക്കര നാഗത്ത് വീട്ടിൽ ശ്രീമതി ലേഖയാണ് ഭാര്യ. ബാംഗ്ലൂർ ഏർണസ്റ്റ് യംഗിൽ സോഫ്റ്റ് വെയർ എൻജിനീയർ മനുദേവ്.എച്ച്.മേനോൻ, പി.എസ്.എം.ഡെന്റൽ കോളേജ് ബി.ഡി.എസ് നാലാംവർഷ വിദ്യാർത്ഥിനി പൂജ.എച്ച്.മേനോൻ എന്നിവർ മക്കളാണ്. മേൽവിലാസം: മുകുന്ദ നിവാസ് കുറുപ്പത്ത് ഹൗസ് കാവിൽ, കൊടകര തൃശ്ശൂർ 680 684 മൊബൈൽ നമ്പർ 9383498230

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English