വിഷുവിനൊരോർമ…

 

വിഷുവിനൊരോർമ്മയോ –
കണിക്കൊന്ന തൻ മഞ്ഞയും,
ഓലപ്പടക്കത്തിൻ അമർച്ചയും, പൂത്തിരിപ്പുഞ്ചിരിയും,
അമ്മതൻ കരങ്ങളാൽ
പൊത്തിയ കണ്ണുകൾ
ഉറക്കച്ചടവിൽ തുറക്കുന്ന
നേരമോ കണിയായി മുന്നിലോ
കള്ളച്ചിരിയോടെ ഭൂഷിതനായ്
കോലക്കുഴലൂതും കാർവർണ്ണനും
മുൻപിലായ് നിറവായ് നിലവിളക്കുമായ്
നിറഞ്ഞു കവിയും പറയുമായ് പാക്കുമായ്
താലത്തിൽ വിളവെടുത്തൊരു കതിരിന്നു കൂട്ടായി കൂടിയ കൈനീട്ടമായ്
വിളവൊത്ത നിറമാർന്ന വാഴക്കുലയും
പുതുമണം മാറാത്ത പട്ടും പുടവയും
കണിവെള്ളരി, ഇളവനും,
പ്രതാപനാം മത്തനും,
മുള്ളുമലർന്നു പാകമാം ചക്കയും
ഉരുളി തൻ വയറിലായ് അണിനിരന്നൊരു കണിയും
മനവും നിറഞ്ഞു, മിഴിയും നനഞ്ഞു,
നിൽക്കുന്ന നേരമോ ശിരസ്സിലോ
അനുഗ്രഹവർഷമായ് അച്ഛനും
മേളക്കൊഴുപ്പോടെ പുലരിയിൽ
തിരികൊളുത്തിയ മാലപ്പടക്കത്തിൻ
ശബ്ദഘോഷത്തിലുണരും വിഷുപ്പക്ഷിയും
പാടുന്ന ഈണത്തിലൊരു വിഷുപ്പാട്ടും
കുളിയും തേവാരവും കഴിഞ്ഞൊരു നേരമോ മുത്തശ്ശന്റെ കൈയിൽനിന്നൊരു നാണയത്തുട്ടായ്
വന്നുചേർന്നോരാ വർഷത്തിൻ നൽഫലം കുമ്പിട്ടു കൈതൊഴും നേരമോ മുത്തശ്ശിതൻ വാത്സല്യച്ചിരിയായി
മറ്റൊരു കൈനീട്ടവും
ഓർമ്മവിഷുതൻ തിളക്കമോ ഏറെ
വർണനാതീതം എന്ന് ചൊല്ലേണ്ടു
ഇന്നുമീ വിഷുപ്പുലരിതൻ നേരത്തു
വിഷുവോർമയിൽ മുങ്ങിക്കുളിച്ചു നിവർന്നു തുവർത്തുമ്പോൾ
കണിയായി ഭഗവാനുമെൻമുന്നിലായി

അഭിപ്രായങ്ങൾ

അഭിപ്രായങ്ങൾ

SHARE
Previous articleകെ എം ഷാജി എം എൽ എയുടെ വീട്ടിൽ റെയ്ഡ് ; മന്ത്രി കെ ടി ജലീൽ രാജി വെച്ചു
Next articleഅക്കാഡമിയുടെ ‘സാഹിത്യ’ലോകത്തിലേക്കും മലയാളം ലിറ്റററി സർവേയിലേക്കും(ഇംഗ്ലീഷ്) ലേഖനങ്ങൾ അയയ്ക്കാം
യു ഏ യിൽ താമസമാക്കിയ ഒരു ഇരിങ്ങാലക്കുടക്കാരി....കുഞ്ഞിലിക്കാട്ടിൽ ഉണ്ണിച്ചെക്കൻറെയും പദ്മിനിയുടേയും മകൾ, അശ്വനിയുടെ വാമഭാഗം. ദക്ഷിണ ഭാരത ഹിന്ദി പ്രചാരസഭയിൽനിന്നും ഹിന്ദി പ്രവീൺ, കമ്പ്യൂട്ടർ ആപ്പ്ളിക്കേഷനിൽ പ്രൊഫഷണൽ ബിരുദം,പ്രകൃതി സ്‌നേഹി.... ഓർമകളും,നൊമ്പരങ്ങളും, മറവിയിൽനിന്നു കണ്ണുപൊത്തിക്കളിക്കുമ്പോൾ....... സംവേദനം നേരിട്ടാകാൻ കഴിയാത്ത സന്ദർഭങ്ങളിൽ..... അപ്പോഴൊക്കെ വിരിയുന്നവയാണ് ഈ ചെറിയ ശീലുകൾ,വാക്കുകൾ,വാക്യങ്ങൾ.... അവ കാതോർക്കുന്നവർ, കണ്ണോടിക്കുന്നവർ നിങ്ങളാണ്. നിങ്ങളോട് ഞാൻ എന്നെക്കുറിച്ചു മറ്റെന്തു പറയാൻ..... എഴുത്ത് ഇതുവരെ:- "അച്ഛൻ ഓർമ്മകൾ " എന്ന പുസ്തകത്തിൽ ഒരു ചെറു ഓർമ്മക്കുറിപ്പ് പ്രസിദ്ധീകരിച്ചിട്ടുണ്ട്. "56 പെൺകവിതകൾ" എന്ന കവിതാസമാഹാരത്തിൽ ഒരു കവിത പ്രസിദ്ധീകരിച്ചിട്ടുണ്ട്. "Loneliness Love Musings and Me എന്ന ഇംഗ്ലീഷ് കവിതാസമാഹാരം പ്രസിദ്ധീകരിച്ചിട്ടുണ്ട്.

അഭിപ്രായം എഴുതുക

Please enter your comment!
Please enter your name here