വിളക്കേന്തുന്ന ബാലന്‍

starry_night

വെള്ളിക്കൊമ്പുകളാളും ജ്വലിക്കും മഹാവൃക്ഷം
ശീതകാലത്തിന്‍ മിന്നിത്തിളങ്ങും നീലാംബരം
താണുപോം അരുണാഭസുന്ദരരവിബിംബം
ബോധത്തിന്‍ തിരയിലുദ്ദീപ്തമാമൊരു ദൃശ്യം

അക്ഷമന്‍ ചിത്രകാരന്‍ ചിത്രത്തെ മറച്ചല്ലൊ
പകരം കരിരാത്രമവിടെയുദിച്ചല്ലൊ
പരകോടി താരങ്ങളവിടെയുണര്‍ന്നല്ലൊ
നിശ കൂന്തലില്‍ പാരിജാതങ്ങള്‍ ചൂടിയല്ലൊ

ചായങ്ങള്‍ തുടച്ചതാ ഫലകം പേറിക്കൊണ്ട്
കാരകന്‍ വിരമിച്ചു വേഗത്തില്‍ രംഗം വിട്ടു
ബാക്കിയായ് ഞാനാം വിളക്കേന്തുന്ന ബാലന്‍ മാത്രം
പൂര്‍ണമാമേകത്വത്തില്‍ ആ രാത്രം തീരും വരെ
കണ്‍ചിമ്മുമാകാശത്തിന്‍ ചിത്രത്തെത്തെളിയിക്കാന്‍

അഭിപ്രായങ്ങൾ

അഭിപ്രായങ്ങൾ

SHARE
Previous articleപെൺജീവിതങ്ങൾ
Next articleചോണനുറുമ്പുകൾ
മഠത്തിൽ രാജേന്ദ്രൻ നായർ
ജീവിതത്തില്‍ വളരെ വൈകിയാണ് എഴുതിത്തുടങ്ങിയത്. അറുപതിന് ശേഷം. ആംഗലത്തില്‍ കുറെ കവിതകള്‍ രചിച്ചിട്ടുണ്ട്. അവ മിക്കതും ഈ ലിങ്കില്‍ കാണാം: http://www.poemhunter.com/madathil-rajendran-nair/poems/?a=a&search=&l=2&y=0 വേദാന്തത്തിലും ജ്യോതിഷത്തിലും താല്‍പര്യം. ചില വേദാന്തലേഖനങ്ങള്‍ വെബ്ബില്‍ പ്രസിദ്ധീകരിച്ചിട്ടുണ്ട്. പാലക്കാടനായ ഞാന്‍ മിക്കവാറും കൊയമ്പത്തൂരിലാണ് താമസം. 36 വര്‍ഷം കുവൈറ്റില്‍ പ്രവാസിയായിരുന്നു. E-Mail: madathil@gmail.com

അഭിപ്രായം എഴുതുക

Please enter your comment!
Please enter your name here