ഷെയ്ൻ നിഗമിനെ നായകനാക്കി നവാഗതനായ ശരത് സംവിധാനം ചെയ്ത വെയിലിന്റെ റിലീസ് മാറ്റി വച്ചു. രൂക്ഷമായ കോവിഡ് വ്യാപനം കണക്കിലെടുത്താണ് ചിത്രത്തിന്റെ റിലീസ് മാറ്റി വച്ചത്. ജനുവരി 28 നാണ് ചിത്രം റിലീസ് തീരുമാനിച്ചിരുന്നത്.
“തീയേറ്റർ ഉടമകളുടെ അഭ്യർഥന പരിഗണിച്ചും, കോടിക്കണക്കിന് സിനിമാപ്രേമികളുടെ വിലപ്പെട്ട ആരോഗ്യം കണക്കിലെടുത്തും ഞങ്ങൾ വെയിൽ എന്ന സിനിമയുടെ റിലീസ് മാറ്റിവയ്ക്കുകയാണ്. നിങ്ങളുടെ അടുത്തുള്ള എല്ലാ തീയേറ്ററുകളിലും വെയിൽ എത്രയും വേഗം ഉയരുകയും തിളങ്ങുകയും ചെയ്യു”മെന്ന് ചിത്രത്തിന്റെ നിർമാതാക്കളായ ഗുഡ് വിൽ എന്റർടെയ്ൻമെന്റ്സ് വ്യക്തമാക്കി.
