എഴുതാതെ വിട്ട
വാക്കുകൾ
തലങ്ങും വിലങ്ങും
വെട്ടിപ്പൊളിക്കണ്
എഴുതാത്ത വാക്കുകൾ
ചെവിയിൽ കയറിയ
കുഞ്ഞനുറുമ്പുകൾ
പോലെ ജീവനെ പിടപ്പിക്കുന്നു
എഴുതാത്ത വാക്കുകൾ
കാട്ടുകടന്നൽ പോലെ
ചുറ്റും കറങ്ങിക്കറങ്ങി
പേടി പരത്തുന്നു
എഴുതാത്ത വാക്കുകൾ
ഉള്ളിൽ നിന്നിറങ്ങി വന്ന്
ഒരു ചെയ്ത്താൻകുട്ടിയായി
ഞൊടിഞ്ഞു ചെവി പറിക്കുന്നു.
Click this button or press Ctrl+G to toggle between Malayalam and English