റോഡിലൊരു ഇരുകാലിജീവി
ബോധമറ്റു കിടക്കുന്നു
നാലുദിക്കിനെയും ഓർമ്മപ്പെടുത്തുന്ന
ചൂണ്ടുപലകയായി കൈയ്യും കാലുകളും
വിടർത്തപ്പെട്ടിരിക്കുന്നു
കാൽപാദംവരെ നീളുന്ന കുപ്പായമിട്ട്
മുരടനക്കി കടവായ്ക്കു നുരയും
പതയുമായി പേടിപ്പിക്കും വിധം….
അങ്ങനെ…. കേശഭാരത്തിലാകമാനം
വിശറുകൾ ജാഥ നയിക്കുന്നു.
ശ്ശെടാ…. ഇതെന്തു ജീവി?
കൂടിനിന്നവരിലാരൊ പറഞ്ഞു;
“പേടിക്കേണ്ട, ഇത് കടിക്കുന്ന ജീവിയല്ല
ബുദ്ധി ജീവിയാണ്…..”
Generated from archived content: poem1_jun10_10.html Author: ramesh_makayiram
