എൻ ശവം ഞാൻതന്നെ
തിന്നുതീർന്നല്ലോ
എന്തിനു കണ്ണുനീർ പാവം കഴുകാ!
വട്ടം കറങ്ങിക്കറങ്ങിച്ചിറകി-
ട്ടൊട്ടേറെ നീയടിച്ചില്ലേ കഴുകാ!
നിന്നിൽ കനലായ് ജ്വലിക്കുന്ന ദുഃഖം
നമ്മൾക്കു പങ്കിടാം നാളെയാകട്ടെ
നിന്റെ പരാജയ വീരേതിഹാസം
നിന്നെയും കേൾപ്പിച്ചു പാടാമൊരിക്കൽ
വീണ്ടും മരിച്ചുതരാം നിനക്കായ് ഞാൻ
വീണ്ടും വരൂ വരാൻ നീ മടിക്കായ്ക.
Generated from archived content: poem6_jan.html Author: puliyur_ravindran
