ഈശ്വരീ ഇച്ഛ തന്നവളേ
കാമന കൊണ്ടെന്റെ
കണ്ണുകൾ പൊട്ടിക്കരുതേ
എനിക്ക് വേണം
വിമുക്തിയുടെ തിക്തവിരേചനം
എനിക്ക് തരൂ
വിരക്തിയുടെ രുദ്രവീണ
ദേവീ-
ഇതാ എന്റെ ശരീരശയ്യ
പിഴുതെടുക്കൂ പുലി നഖരത്താൽ
എൻ പഞ്ചേന്ദ്രിയവസനം
ആടിത്തിമിർക്കൂ
മൃൺമയമേനിയിലാനന്ദനടനം
ദിഗംബരീ-
തീരാതൃഷ്ണകളെ
തൃപ്തമാക്കുന്നവളേ
വിഷയാസക്തിയുടെ
നഗ്നവസ്ത്രമണിഞ്ഞ എന്നെ
ശുദ്ധേ ശപിക്കരുതേ…. ശപിക്കരുതേ…
Generated from archived content: sept_poem4.html Author: p_salimraj
