കറുപ്പ്‌
ഈ യുദ്ധത്തിന്റെ നിറം കറുപ്പ്‌,
ആകാശവും ഭൂമിയും കറുപ്പ്‌
ചില ഹൃദയങ്ങളും കറുപ്പ്‌
ചിലതിന്‌ നിറവുമില്ല.
അമേരിക്ക
ചെന്നായ വരുന്നു
തിന്നാൻ നിന്നൂ-
കൊടുക്കാം.
നിന്നില്ലെങ്കിലും
തിന്നുമെന്നുറപ്പ്‌.
ഇറാഖ്‌
കുറെ ഇറച്ചിക്കഷ്‌ണങ്ങൾ
കുറെ എണ്ണപ്പാടങ്ങൾ
കുറച്ച്‌ തോക്കുകൾ
ആരും കേൾക്കാത്ത
ചില ദീനസ്വരങ്ങളും.
യു.എൻ.
ഒരു പാവം ചെണ്ടക്കാരൻ
കൊട്ടുന്നു…. കൊട്ടുന്നു….
ആരും കേൾക്കാനില്ല.
ബങ്കർബസ്‌റ്റർ
ഞാനൊരു ആധുനിക മണ്ണിര
എന്നെ ക്ഷണിക്കേണ്ടതില്ല
ഞാൻ കിടിലംകൊളളിച്ച്‌
എപ്പോഴുമെത്താം.
Generated from archived content: poem6_june.html Author: faizal_bava
