കടലെന്തു ചൊല്ലി? നിന് കാതില്
പിടക്കുന്ന കതിരോന്റെയുടലറ്റ
തലയും പിടിച്ചുകൊണ്ടലറി-
ക്കുതിച്ചെത്തിയവിടുന്നടിച്ചെത്തു-
മറിവിന്റെ മാറിലെക്കലിയീത്തുരുത്തിനെ
തിന്നു തീര്ക്കും ‘ ദിവ്യ’ മന്ത്രമോ?
മേടകള്ക്കതിസൗഖ്യമെന്നും വിളമ്പുന്ന
പുതുലോക മന്ത്രമോ?
വേദാഖ്യ വേദാന്ത ശാന്തതീരത്തിന്റെ
കതിര്മാല്യമിനിയും കശക്കുവാനോ
കടല്മാറ്റമുണ്ടാക്കുവാനോ?
Generated from archived content: poem1_july19_12.html Author: eml-nampoothiri
