ഇല്ലിക്കുംഭത്തിൽ ഞാൻ സൂക്ഷിച്ച
കൊങ്ങിണിപൂക്കൾ
നിനക്കുവേണ്ടിയായിരുന്നു.
സ്ലേറ്റുപെൻസിൽ,
കറുമുറെ കടിച്ചുതിന്നതും
ചുണ്ടിൽ കറുപ്പുപുരണ്ടതും
നീ എന്നെ
സ്നേഹിക്കാത്തതിലുളള പ്രതിഷേധം.
നിന്റെ മറുപ്രണയം, കൊടികയറുമ്പോൾ
എന്റെ ഉളളിലും പുറത്തും
വെളളപ്പെരുവാഴകൾ കുലച്ചിരിക്കുന്നു
ഇപ്പോഴാണല്ലോ നിന്റെ നക്കാപ്പിച്ച
കൊങ്ങിണിക്കാടുകളിൽ
നിറയെയിപ്പോൾ കരിനിഴലുകൾ മാത്രം.
Generated from archived content: poem6_may.html Author: antony_muniyara
