തോപ്പിൽ രവി സാഹിത്യ പുരസ്‌കാരം നോവലിസ്റ്റ് ദേവദാസ് വി എമ്മിന് ചെറിയാൻ ഫിലിപ്പ് സമ്മാനിച്ചു. ഡി സി ബുക്സ് പ്രസിദ്ധീകരിച്ച ഏറ്‌ എന്ന നോവലാണ്‌ പുരസ്കാരത്തിന്‌ അർഹമായത്‌. പതിനയ്യായിയിരം രൂപയും പ്രശസ്തിപത്രവുമടങ്ങുന്നതാണ് പുരസ്‌ക്കാരം.
ഫൗണ്ടേഷൻ ചെയർമാൻ ഷാനവാസ്ഖാൻ അധ്യക്ഷനായ ചടങ്ങിൽ ഡോ എം.ആർ.തമ്പാൻ പ്രശസ്തി പത്രം വായിച്ച് സമർപ്പിച്ചു. മുഞ്ഞിനാട് പത്മകുമാർ, എസ് സുധീശൻ, സൂരജ് രവി, കെ എം.ഐ മേത്തർ, പി.രാജേന്ദ്ര പ്രസാദ് തുടങ്ങിയവർ സംസാരിച്ചു.
