തെരിവിലാണെന്റെ വാസം
തെരുവില്‍തന്നെ എന്‍റെജന്മവും
പശിക്കുന്ന അമ്മതന്‍ വയറിനു
തെരുവു നല്‍കിയ സമ്മാനം ഞങ്ങള്‍
വിശപ്പകറ്റാന്‍ കൈയ്യ്നീട്ടിയഅമ്മയേ
ഇരുട്ടിന്‍റെ മറവില്‍ക്ഷണിച്ചവര്‍
അവരുടെ വിശപ്പടക്കിയമ്മക്ക്നല്‍കീ
തുട്ടും ഉദരത്തില്‍ പിന്നെയീ ഞാനും
പലനാളി പലരുടെ വിശപ്പടക്കിയമ്മ
എന്‍ കുഞ്ഞു ഉദരത്തിന്‍ വിശപ്പിന്‍റെ വിളികേട്ടു
ഇന്നെന്‍ കൂട്ടിനായി അമ്മ തന്നു
ഒരു പൊന്നനിയത്തിയെ
അച്ഛനെചൊല്ലുവാന്‍ എനിക്കും
പിന്നെയീ തെരുവിനുമറിയില്ല
ഇനിയുമൊരച്ഛന്‍ എനിക്ക്
കുഞ്ഞുടുപ്പുമായിവരില്ല
ഈതെരുവില്‍ കുഞ്ഞനുജത്തിക്ക്
എന്നെകൂട്ടിനാക്കീട്ടു അമ്മയെ
അവര്‍ കൂട്ടിനായി കൂട്ടി
അമ്മ തന്നൊരീ പിഞ്ചിയകമ്പളത്തിനുള്ളിൽ
കുഞ്ഞുവാവക്ക്കുളിരാതെ കാത്തു
അമ്മവരും എന്‍വിശപ്പകറ്റാന്‍
ചുളിഞ്ഞു നാറിയ നോട്ടുമായി
ആരൊക്കയോ വിശപ്പു മാറ്റി
തളര്‍ന്നു വരുമെന്റെയമ്മ
ഒരുനാള്‍ ഞാനും കൈനീട്ടുമെൻ വിശപ്പകറ്റാന്‍
വിശന്നു വരുന്നവര്‍ക്ക്മുന്നില്‍…?
അവര്‍തന്‍ വിശപ്പൊടുങ്ങുംപ്പോള്‍
വിഭവങ്ങള്‍ക്കുള്ള വിലയായി
ഒത്തിരിതുട്ടുകളും സമ്മാനവുംകിട്ടും…?
സ്വപനങ്ങള്‍ ഒട്ടൊന്നുമില്ലനിക്ക്
തിളക്കംവറ്റിയ ഈകണ്ണ്‍കോണില്‍
വിശപ്പിന്‍റെ യാചനമാത്രം എന്‍
മിഴി രണ്ടിലും…….
