മോനെ
നീ എവിടേക്കാണ് ഒളിച്ചോടുന്നത്
ബന്ധങ്ങൾ നിനക്ക് എപ്പോഴാണ് ബന്ധനങ്ങളായത്?
ഒരിക്കൽ നീ ഈ അമ്മയുടെ
തലോടലിനായി കെഞ്ചിയിരുന്നു
ഇന്ന് നിനക്ക് അമ്മയുടെ കൈകൾ
മുരുക്കുമുള്ളുപോലെ
കുത്തിക്കേറുന്നതായി മാറിയിരിക്കുന്നു.
ഒരിക്കൽ നിനക്ക് അച്ഛൻ്റെ സാമീപ്യമില്ലാതെ
ഉറങ്ങുവാൻ പോലും കഴിഞ്ഞിരുന്നില്ല
ഇന്ന് നിനക്ക് ആ അച്ഛൻ്റെ നിഴൽ പോലും
അസഹ്യമായി മാറിയിരിക്കുന്നു
പൂക്കളിൽ നിന്നും പൂക്കളിലേക്കുള്ള
ചിത്ര ശലഭത്തിൻ്റെ കൗതുകം സാധാരണമാണ്
അവ ഒരിക്കലും ആദ്യത്തെ പൂവിനെ
അവഗണിക്കാറില്ല
ഒരു പൂന്തോപ്പിൽ നിന്നും മറ്റൊരു
പൂന്തോപ്പിലെയ്ക്കു ചേക്കേറിയാലും
ആദ്യത്തെ പൂന്തോപ്പിലേയ്ക്ക്
വീണ്ടും അവ തിരിച്ചെത്താറുണ്ട്…പാതിപോലും ചാരാത്ത പടിവാതിലിൽ
മൂകമായി വിദൂരതയിലേക്ക്
കണ്ണ് പാകി കാത്തു നിൽക്കുന്ന
ആ അച്ഛനും അമ്മയും
ഒരു പൂന്തോപ്പിൽ നിന്നും മറ്റൊരു
പൂന്തോപ്പിലെയ്ക്കു ചേക്കേറിയാലും
ആദ്യത്തെ പൂന്തോപ്പിലേയ്ക്ക്
വീണ്ടും അവ തിരിച്ചെത്താറുണ്ട്…പാതിപോലും ചാരാത്ത പടിവാതിലിൽ
മൂകമായി വിദൂരതയിലേക്ക്
കണ്ണ് പാകി കാത്തു നിൽക്കുന്ന
ആ അച്ഛനും അമ്മയും
ജന്മം നൽകി എന്ന
ഒരു പാപം മാത്രമല്ലേ ചെയ്തുള്ളു
മുറ്റം കയറി വരുന്ന ഓരോ നിഴലും നീയാണെന്ന
പ്രതീക്ഷയിൽ ഉത്കണ്ഠാകുലമാകുകയും
അല്ല എന്നറിയുമ്പോൾ ഒരു തേങ്ങലോടെ
പരസ്പരം കെട്ടിപ്പുണർന്നു കരയുന്നതുമായ
ഈ അനുഭവം നിനക്ക് ദൈവം വരുത്തല്ലേ
എന്നാണ് എന്ന് മാത്രമാണ്
അവരുടെ പ്രാർത്ഥന
മുറ്റം കയറി വരുന്ന ഓരോ നിഴലും നീയാണെന്ന
പ്രതീക്ഷയിൽ ഉത്കണ്ഠാകുലമാകുകയും
അല്ല എന്നറിയുമ്പോൾ ഒരു തേങ്ങലോടെ
പരസ്പരം കെട്ടിപ്പുണർന്നു കരയുന്നതുമായ
ഈ അനുഭവം നിനക്ക് ദൈവം വരുത്തല്ലേ
എന്നാണ് എന്ന് മാത്രമാണ്
അവരുടെ പ്രാർത്ഥന
