നിശ്വാസവായു
നിന്റെ നിശ്വാസ വായുവിൻ
ഇളം ചൂടിൽ
ഞാനൊരു
പാരിജാത പൂവായ്
വിടർന്നു.
ഒരു ശലഭമായ്
നീ എന്നിലെ
തേൻ നുകരും നേരം
ഞാൻ സ്വർഗ്ഗ പൂന്തോട്ടത്തിലേക്ക്
സ്വർണ രഥത്തിലേറി
യാത്രയാകും!
കണ്ണും കണ്ണും
കഥ പറയും
ചുണ്ടും ചുണ്ടും
ഒന്നു ചേരും
വിയർപ്പിന്റെ ഗന്ധം
മത്തു പിടിപ്പിക്കും!
കാത്തിരിപ്പ്
കിനാവിന്റെ തീത്തുറങ്ങും
കണ്മണീ…
അമ്മ തൻ ഉദരത്തിൽ
മുള പൊട്ടുന്നതെന്ന് നീ?
നേർച്ചകൾ നെയ്ത്
മരുന്നുകൾ നുകർന്നു
കാത്തിരിപ്പാണ് ഞാൻ!
ചെമ്പരത്തി പൂക്കളെന്നിൽ
വിടരുമ്പോഴൊക്കെയും
നീ വരാത്തതോർത്ത്
മനസ്സ് തേങ്ങും!
ഇനിയും വരുവാൻ
വൈകല്ലേ കണ്മണീ…
നിലാവിന്റെ നാട്ടിൽ
നമുക്കൊരു
കിനാവിന്റെ
പൂക്കളമൊരുക്കാം!
നഷ്ടം
മനസ്സിൽ
ആരും കാണാതെ
ഒളിപ്പിച്ചു
വെച്ചിട്ടും
നീയെന്തേ
നഷ്ടമായി.
മൗനം
മൗനത്തിൽ
ആയിരം നാവുകൾ
ചലിക്കുന്നുണ്ട്.
Click this button or press Ctrl+G to toggle between Malayalam and English