വി.ഷിനിലാല്‍ എഴുതിയ സമ്പര്‍ക്കക്രാന്തിയെന്ന പുതിയ നോവലിന്റെ പ്രകാശനം സംഘടിപ്പിച്ചു. ശനിയാഴ്ച വൈകിട്ട് 5 മണിക്ക് നെടുമങ്ങാട് കോയിക്കല്‍ പുസ്തകോത്സവത്തില്‍ വെച്ച് പ്രശസ്ത തമിഴ് സാഹിത്യകാരന്‍ പെരുമാള്‍ മുരുകനാണ് നോവല്‍ പ്രകാശനം ചെയ്തത്.
സമകാലിക ഇന്ത്യന്‍ അവസ്ഥകളിലൂടെ സഞ്ചരിക്കുന്ന വി.ഷിനിലാലിന്റെ സമ്പര്‍ക്കക്രാന്തി, തീവണ്ടിയുടെ പശ്ചാത്തലത്തില്‍ എഴുതപ്പെട്ട മലയാളത്തിലെ ആദ്യ നോവല്‍ എന്ന വിശേഷണത്തോടെയാണ് പുറത്തിറങ്ങിയത്.
