മഴ പെയ്തു തോർന്നാ സന്ധ്യയിൽ
പൂമരച്ചില്ലയിൽ
ഒളിച്ചിരുന്നാ മഴത്തുള്ളികൾ
താഴെ വീണുടഞ്ഞുപോയി
ഇളംകാറ്റിനാൽ .
വിരഹവേദനയാൽ ഒന്നുപിടഞ്ഞു
തകർന്നുടഞ്ഞു
ഈറൻ നിലവിൽ രമിച്ചിരുന്ന
തെന്നലാ രോദനം കേട്ടില്ലെന്നു നടിച്ചു.
പുലർവേളയിൽ
ആലസ്യത്തിൽ നിന്നുണർന്നു
മഴത്തുള്ളികൾ തേടിയലഞ്ഞു
ആ അമ്മക്കാറ്റ് .
ഭ്രാന്തമായൊരാവേശത്തിൽ
പിറുപിറുത്തു
“എന്റെ കുഞ്ഞ് , അവൻ എന്റെ കുഞ്ഞ് ”
