പാതിരാക്ക് ഭവനം ഭേദിച്ച് അകം പൂകിയ മോഷ്ടാവിനെ കണ്ട് മുത്തശി ഉണര്‍ന്നു.
” ലൈറ്റിടടാ കൊച്ചനെ”
മോഷ്ടാവ് ചുവരിലെ സ്വിച്ചമര്‍ത്തി.
മുത്തശി തലയണക്കടിയില്‍ നിന്നും മാസ്ക്ക് തപ്പിയെടുത്ത് മുഖത്ത് കെട്ടി.
” മാസ്ക്കില്ലേടാ മേശപ്പുറത്ത് കവറിലിരുപ്പുണ്ട് . ഫോറിന്‍ ! മക്കളിറ്റലീന്ന് കൊണ്ടു വന്നതാ . എടുത്ത് കെട്ടടാ”
” ഇറ്റലീന്നാ?”
” അതെ അവര്‍ മുകളിലെ മുറില്‍ അടച്ചിരിപ്പാണ് അതിനൊരു പേരുണ്ടല്ലോടാ”
” നിരീക്ഷണത്തില്‍”
”ഹ ! അതന്നെ”
” അമ്മച്ചീ , സാനിറ്ററൈസരിപ്പൊണ്ടോ?”
” അതെന്തു കുന്തമാടാ?”
” ഒരു കുന്തോം വേണ്ടേ . അമ്മച്ചി കെടന്നോ”
മോഷ്ടാവ് ഇരുട്ടത്ത് ഇറങ്ങിയോടി .
Click this button or press Ctrl+G to toggle between Malayalam and English