പുഴ

 

 

എനിക്കൊരു
പുഴയാകണം,
ഇടവപ്പാതിയിൽ
ഒരു കുറുമ്പിയെപോലെ
ആർത്തലച്ച്
നടന്നീടുന്ന
ഒരു പുഴ….

എനിക്കൊരു
പുഴയാകണം,
വേനലിൻ
തീഷ്ണതയാൽ
വരണ്ടുകീറുന്ന
ഭൂമിതൻ
മടിത്തട്ടിലേക്കൊരു
നനവ്
നല്കുവാനായി
വെമ്പുന്ന പുഴ…

എനിക്കൊരു
പുഴയാകണം,
ആർത്തലച്ചു
പെയ്യുന്ന
മഴത്തുള്ളികൾ
കൂട്ടിന് വരാത്ത
നേരങ്ങളിൽ,
എനിക്ക്
ശാന്തമായൊന്ന്
ഒഴുകീടുവാൻ….

എനിക്കൊരു
പുഴയാകണം,
ഇടവപ്പാതി-
യെത്തീടുമ്പോൾ
ആർത്തലച്ചു
പെയ്യുന്ന
മഴയോടൊപ്പം
കരകവിഞ്ഞു
ഒഴുകീടുവാൻ….

എനിക്കൊരു
പുഴയാകണം,
ഒടുവിൽ
ഒഴുകിയൊഴുകി
ഭൂമിയുടെ
മടിത്തട്ടിലേക്ക്
അവസാന
യാത്ര
നിലയ്ക്കുംവരെ,
എനിക്കൊരു
പുഴയാകണം….

©നന്ദിനി.ബി.നായർ

അഭിപ്രായങ്ങൾ

അഭിപ്രായങ്ങൾ

SHARE
Previous articleചിറകുകൾ ഫോട്ടോഗ്രാഫി പ്രദർശനം ഇന്ന്
Next articleസ്വസ്ഥത
പത്തനംതിട്ട ജില്ലയിലെ അടൂരിൽ ശശിധരൻ പിള്ളയുടെയും ബിന്ദുകുമാരിയുടെയും മകളായി ജനനം.അക്ഷരം മാസികയുടെ നേതൃത്വത്തിൽ "നന്ദിനിയുടെ കവിതകൾ " എന്ന പേരിൽ ഒരു ഡിജിറ്റൽ പുസ്തകം പ്രസിദ്ധീകരിച്ചിട്ടുണ്ട്.മറ്റ്‌ നിരവധി പുസ്തകങ്ങളിലും കവിത പ്രസിദ്ധികരിച്ചിട്ടുണ്ട്‌. കേരള ബുക്ക്‌ ഓഫ് റെക്കോർഡ് ഉൾപ്പെടെ നിരവധി അവാർഡുകൾ ലഭ്യമായിട്ടുണ്ട്. നിലവിൽ ഇംഗ്ലീഷ് അധ്യാപികയായി സേവനമനുഷ്ഠിക്കുന്നു.

1 COMMENT

  1. നന്നായിട്ടുണ്ട്…. നന്നായി വരട്ടെ എന്റെ എല്ലാ ഭാവുകങ്ങളും

അഭിപ്രായം എഴുതുക

Please enter your comment!
Please enter your name here