ജലവേട്ട
————
ജലാശയത്തില്‍
ജലം തേടി
അലഞ്ഞു വലഞ്ഞു ഞാന്‍
ഒടുവിലിതാ ഒരത്താണി:
വേട്ടക്കാരന്റെ കൊളുത്ത്!
ചുവന്ന മനുഷ്യന്‍
————————-
കേവല മര്‍ത്യനായിട്ടായിരുന്നു
എന്റെ പിറവി
ആദ്യമേ ഞാന്‍
ദളിതനായി
ശേഷം അവരെന്നെ
ഹിന്ദുവാക്കി;
അതിപ്പിന്നെയെന്നെ
സിഖും ജൈനനും ക്രിസ്ത്യനും
ബൗദ്ധനുമാക്കി .
ഒടുവില്‍ ഞാന്‍ കണ്ടു:
എല്ലറിന്റെ രക്തത്തിനും ഒരേ നിറം
എന്റെ സ്വന്തം രക്തത്തിനും
അതേ നിറം
ചുവപ്പ്….. കടും ചുവപ്പ്!
അതോടെ ,
എന്റെ മനുഷ്യത്വവും
ചുകന്നു;
ചുവപ്പ് …. കടും ചുവപ്പ്!
