ആ അരിവാൾ എവിടെപ്പോയെടി

By
സിപ്പി പളളിപ്പുറം
-

ആ അരിവാളെവിടെപ്പോയെടി

മരുതങ്കോടിപ്പൊന്നമ്മേ?

ആ അരിവാളല്ലേയിന്നലെ

ചാമ കൊയ്യാൻ പോയീത്‌

ആ ചാമയെവിടെപ്പൊയെടി

മരിതങ്കോടിപ്പൊന്നമ്മേ?

ആ ചാമയല്ലേയിന്നലെ

കുത്തിക്കഞ്ഞി വച്ചീത്‌

ആ കഞ്ഞിയെവിടെപ്പോയെടി

മരുതങ്കോടിപ്പൊന്നമ്മേ?

ആ കഞ്ഞിയല്ലേയിന്നലെ

കൂളൻകുട്ടി കുടിച്ചത്‌

ആ കൂളനെവിടെപ്പോയെടി

മരുതങ്കോടിപ്പൊന്നമ്മേ?

ആ കൂളനല്ലേയിന്നലെ

തൂറ്റിപ്പാറ്റിച്ചത്തീത്‌

ആ ചാണകമെവിടെപ്പോയെടി

മരുതങ്കോടിപ്പൊന്നമ്മേ?

ആ ചാണകമല്ലേയിന്നലെ

അമ്പലമുറ്റം മെഴുകീത്‌

ആ അരിവാളെവിടെപ്പോയെടി

മരുതങ്കോടിപ്പൊന്നമ്മേ?

ആ അരിവാളല്ലേയിന്നലെ

ചാമകൊയ്യാൻ പോയീത്‌

Generated from archived content: pattu_june26.html Author: sippi_pallipuram

അഭിപ്രായങ്ങൾ

അഭിപ്രായങ്ങൾ

SHARE
Previous articleപത്തിരി
Next articleഅമ്പിളിക്കവിതകൾ
സിപ്പി പളളിപ്പുറം
1943 മെയ്‌ 18 ന്‌ എറണാകുളം ജില്ലയിലെ വൈപ്പിൻ പളളിപ്പുറത്തു ജനിച്ചു. 1966-മുതൽ പളളിപ്പുറം സെന്റ്‌ മേരീസ്‌ ഹൈസ്‌കൂളിൽ അധ്യാപകനായിരുന്നു. ദേശീയവും പ്രാദേശീകവുമായ നിരവധി അവാർഡുകൾ നേടിയ സാഹിത്യകാരൻ. കഴിഞ്ഞ മൂന്നു ദശകങ്ങളായി മലയാള ബാലസാഹിത്യരംഗത്ത്‌ പ്രവർത്തിച്ചു വരുന്നു. കുട്ടികളുടെ വികാരവിചാരങ്ങൾക്കനുസരിച്ച്‌ തൂലിക ചലിപ്പിച്ച്‌ അവരെ വിസ്‌മയലോകത്തിലാറാടിക്കുന്ന എഴുത്തുകാരൻ. ഇതിനകം അമ്പത്തിയഞ്ച്‌ ബാലസാഹിത്യകൃതികൾ പ്രസിദ്ധീകരിച്ചിട്ടുണ്ട്‌. 1985-ൽ ‘ചെണ്ട’ എന്ന കൃതിക്ക്‌ ബാലസാഹിത്യത്തിനുളള ദേശീയ അവാർഡ്‌ ലഭിച്ചു. പൂരം, തത്തകളുടെ ഗ്രാമം, അപ്പൂപ്പൻ താടിയുടെ സ്വർഗ്ഗയാത്ര, പപ്പടം പഴം പായസം, തത്തമ്മേ പൂച്ച പൂച്ച, തേൻതുളളികൾ, മിന്നാമിനുങ്ങ്‌, ഉണ്ടനും ഉണ്ടിയും പുലിയച്ചനും, നൂറുനേഴ്‌സറിപ്പാട്ടുകൾ, ചന്ദനപ്പാവ, മയിലും മഴവില്ലും, കാട്ടിലെ കഥകൾ, കുറുക്കൻ കഥകൾ, ഗുരുഭക്തിയുടെ കഥകൾ, ഉണ്ണികൾക്ക്‌ നല്ലകഥകൾ, നമ്പൂര്യച്ചനും ഭൂതവും, പാവയ്‌ക്കക്കുട്ടൻ, കുരങ്ങാട്ടിയും കളളനോട്ടുകാരും, പാൽക്കിണ്ണം, സ്വർണക്കമ്പിളി, കഥകഥപ്പൈങ്കിളി എന്നിവയാണ്‌ പ്രധാന കൃതികൾ. ഭാര്യഃ മേരീസെലിൻ, മക്കൾ ഃ ശാരിക, നവനിത്‌. വിലാസം ഃ പളളിപ്പോർട്ട്‌ പി.ഒ, കൊച്ചി- 683515.

ബന്ധപ്പെട്ട കൃതികൾരചയിതാവിൽ നിന്ന്

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English