പിച്ചപ്പിച്ച നടന്നു കളിക്കും
പച്ചതത്തമ്മേ,
പച്ചപ്പട്ടിൻ പുത്തനുടുപ്പിതു
തുന്നിയതാരാണ്?
വല്ലിക്കുടിലിന്നുള്ളിലിരിക്കും
ചെല്ലത്തത്തമ്മേ,
ചുണ്ടത്തിങ്ങനെ ചുവന്ന ചായം
പൂശിയതാരാണ്?
പുത്തരി കൊത്തി തത്തിനടക്കും
പുഞ്ചത്തത്തമ്മേ,
“തിത്തോം തികൃതോം” നൃത്തംവയ്ക്കാൻ
ആരു പഠിപ്പിച്ചു?
കുഞ്ഞിച്ചുണ്ടിൽ ചൂളം കുത്തും
കുസൃതിത്തത്തമ്മേ,
താളമൊടങ്ങനെ ചൂളമടിക്കാൻ
ആരു പഠിപ്പിച്ചു?
Generated from archived content: nursery1_june13_07.html Author: sippi_pallipuram
