ഉയരുക ധർമ്മപതാകേ

പാറുക വിജയപതാകേ-വാനിൽ

പാറുക വിനയപതാകേ

ഉണരുക കർമ്മപതാകേ-വാനിൽ

ഉയരുക ധർമ്മപതാകേ!

മൂന്നിറമുളെളാരു താരകമായ്‌ നീ

തിളങ്ങി നിൽക്കുക മേന്മേൽ

സ്വാതന്ത്ര്യത്തിൻ തേന്മലരായ്‌ നീ

വിളങ്ങി നിൽക്കുക മേന്മേൽ!

ശക്തിപതാകേ നീയാണല്ലോ

ഞങ്ങൾക്കെന്നുമൊരഭയം.

മുക്തിപതാകേ നീയാണല്ലോ

ഞങ്ങൾ തന്നഭിമാനം!

പാറുക വിജയപതാകേ-വാനിൽ

പാറുക വിനയപതാകേ.

ഉണരുക കർമ്മപതാകേ-വാനിൽ

ഉയരുക ധർമ്മപതാകേ!

ഒന്നായ്‌ നിൽക്കും നിന്നുടെ കീഴിൽ

എന്നും ഭാരതമക്കൾ.

ഒരുമയിൽ വളരും നിന്നുടെ തണലിൽ

ഞങ്ങൾ പുതിയ കിനാക്കൾ!

Generated from archived content: kuttinadanpattu_mar31_06.html Author: sippi_pallipuram

അഭിപ്രായങ്ങൾ

അഭിപ്രായങ്ങൾ