വട്ടത്തിലുളെളാരു വീടുകണ്ടോ
പട്ടുനൂലാലൊരു വീടുകണ്ടോ?
വീട്ടിനകത്തു ചുരുണ്ടുകൂടി
ഏട്ടനിരിക്കുമിരിപ്പു കണ്ടോ?
കുട്ടനെപ്പോലെവികൃതിയാണീ-
യെട്ടുകാലുളള ചിലന്തിയേട്ടൻ!
പെട്ടൊന്നൊരീച്ച കടന്നുവന്നാൽ
ഞെട്ടുന്ന ചാട്ടുളിയാവുമേട്ടൻ.
കാട്ടിലും മേട്ടിലും വീടുകെട്ടാൻ
ഏട്ടന്നു തെല്ലും പ്രയാസമില്ല.
പട്ടിന്റെ വീടു തകർന്നുപോയാൽ
ഇഷ്ടന്നു തെല്ലും നിരാശയില്ല.
കെട്ടിലും മട്ടിലും ഭംഗിയോടെ
കെട്ടിടം പിന്നെയും കെട്ടുമേട്ടൻ!
വട്ടത്തിലുളെളാരു വീടുകണ്ടോ
പട്ടൂനൂലാലൊരു വീടുകണ്ടോ?
Generated from archived content: kutti_sep24.html Author: sippi_pallipuram
