പത്തിരി
——-
ആകാശത്തിലെ മച്ചിലിരിക്കും
വെളളപ്പത്തിരി കണ്ടില്ലേ?
വട്ടപ്പത്തിരി; ഒറ്റപ്പത്തിരി
കണ്ടാലാർക്കും കൊതി തോന്നും!
കൊതിയുണ്ടെങ്കിലുമെങ്ങനെ കിട്ടും
കോവണി നീളം പോരല്ലോ.
ആകാശത്തിലെ മച്ചിലിരിക്കും
വെളളപ്പത്തിരി കണ്ടില്ലേ?
ദീർഘസ്വരങ്ങൾ
————-
ആ-ആ- ആന
ആന – കൊമ്പനാന!
ഈ-ഈ-ഈച്ച
ഈച്ചയ്‌ക്കാറു കാല്‌!
ഊ-ഊ- ഊത്ത്‌
ഊതുമല്ലോ – ഊത്ത്‌
ഏ-ഏ-ഏണി
ഏണിവെച്ചു കേറാം
ഓ-ഓ-ഓന്ത്‌
ഓടിക്കേറിയോന്ത്‌!
ആറാട്ട്‌
——-
തപ്പടി തകിലടി താളം മേളം
പെപ്പര-പെപ്പര-കൊമ്പുവിളി!
ആനകളാറുണ്ടായിരമാളു-
ണ്ടാര്യങ്കാവിലെയാറാട്ട്‌!
തെയ്യം തെയ്യം തെയ്യക തെയ്യം
കാവടി പൂവെടി തിറയാട്ടം!
എന്തൊരു രസമാണെന്തൊരുരസമാ-
ണാര്യങ്കാവിലെയാറാട്ട്‌!
Generated from archived content: pathiri.html Author: sippi-pallippuram
Click this button or press Ctrl+G to toggle between Malayalam and English