ജനുവരി വന്നു; ജനലു തുറന്നു
നവവർഷത്തിൻ വരവായി.
ഒട്ടും വൈകാതെത്തിടുമല്ലൊ
പട്ടുപുതച്ചൊരു ഫെബ്രുവരി!
ഇരുപത്തെട്ടിൽ മൂപ്പിലെ പോയാൽ
പിന്നെ വരുന്നതു മാർച്ചങ്കിൾ!
വിഡ്‌ഢിദിനത്തിൽ കേറിവരുന്നൂ
ഏപ്രിൽക്കുട്ടൻ കോമാളി.
എങ്ങും പുത്തൻ പൂക്കണി വയ്‌ക്കാ-
നെത്തും സുന്ദരി മെയ്‌റാണി!
ഇടിയും മഴയും പൊടിപൂരവുമാ-
യടിവച്ചെത്തും ജൂൺമാസം.
ജൂണുമറഞ്ഞാൽ രംഗത്തെത്തും
ജൂലായെന്നൊരു കെങ്കേമൻ!
ആഗസ്‌റ്റായാൽ ഭാരതമെങ്ങും
സ്വാതന്ത്ര്യത്തിൻ കൊടിയേറ്റം!
സെപ്‌റ്റംബറിനെ തൊട്ടുതലോടി-
പ്പതിവായെത്തിടുമൊക്‌ടോബർ.
ഒക്‌ടോബറിലാണറിയുക നമ്മുടെ
രാഷ്‌ട്രപിതാവിൻ ജന്മദിനം!
ചാച്ചാജീയുടെ ഓർമ്മപുതുക്കാൻ
മെല്ലെ നവംബർ വന്നെത്തും
ഡിസംബറായാൽ ക്രിസ്‌മസ്സായി
വർഷാന്ത്യത്തിൻ നാളായി!
Generated from archived content: nurserypattu_apr21_06.html Author: sippi-pallippuram
