ആശയുണ്ടെങ്കിൽ
കേശവാ നിനക്ക്‌ ദോശതിന്നാ-
നാശയുണ്ടങ്കിലാശാന്റെ
മേശ തുറന്ന്‌ കാശെടുത്ത്‌
കാശിപ്പോയി ദോശ വാങ്ങി-
പ്പശി തീർക്കെടാ കേശവാ!
മാറിരി ഞണ്ടേ
തൈതിനംതാരോ-തൈതിനംതാരോ
തൈതിനം-തൈതിനം-തൈതിനംതാരോ
കല്ലേലിരിക്കണ കല്ലോരി ഞണ്ടേ
കല്ലേന്നൊട്ടപ്പുറം മാറീരി ഞണ്ടേ
തൈതിനംതാരോ- തൈതിനംതാരോ
തൈതിനം-തൈതിനം-തൈതിനംതാരോ
കല്ലേലിക്കണ്ടത്തിലാളെറങ്ങട്ടെ
കല്ലേന്നൊട്ടപ്പുറം മാറീരി ഞണ്ടേ!
തൈതിനം താരോ-തൈതിനം താരോ
തൈതിനം-തൈതിനം-തൈതിനം താരോ!
കല്ലേലിക്കണ്ടം വെതക്കട്ടെ ഞണ്ടേ
കല്ലേന്നൊട്ടപ്പുറം മാറീരി ഞണ്ടേ!
കീരി-കീരി-കിണ്ണം താ
കീരി കീരി കിണ്ണം താ
കിണ്ണത്തിലിട്ട്‌ കിലുക്കിത്താ!…
കല്ലും മുളളും നീക്കിത്താ
കല്ലായിപ്പാലം കടത്തിത്താ!…
മുല്ലപ്പൂക്കള്‌ നുളളിത്താ
മല്ലിപ്പൂക്കള്‌ ചൂടിത്താ
പാക്കഞ്ഞിയിത്തിരി കോരിത്താ
തേങ്ങാപ്പൂളു നുറുക്കിത്താ!
നുറുക്കിത്താ!.. നുറുക്കിത്താ!..
Generated from archived content: asayundenkil.html Author: sippi-pallippuram
