ബാല്യത്തിലെ നരേന്ദ്രന്റെ ഇഷ്ടപ്പെട്ട കളിയാണ് രാജാവും രാജസദസ്സും . നരേന്ദ്രന്‍ രാജാവും കൂട്ടുകാരുമെല്ലാം മന്ത്രിമാരും മറ്റ് ഉദ്യോഗസ്ഥരുമായി അഭിനയിക്കും കുട്ടിയാണെങ്കിലും രാജാവായി അഭിനയിക്കുമ്പോള്‍ ആജ്ഞാശക്തിയും ഗൌരവവും അഭിനയിപ്പിച്ചു ഫലിപ്പിക്കുവാന്‍ നരേന്ദ്രനു കഴിഞ്ഞിരുന്നു. കളികഴിഞ്ഞാല്‍ വീണ്ടും ചങ്ങാതിമാരോടൊപ്പം ഒരുമിച്ചു കൂടും.
പില്‍ക്കാല ജീവിതത്തിലും ഈ രാജകീയഭാവം സ്വാമി വിവേകാനന്ദന്റെ ജീവിതത്തില്‍ കാണാം. സന്യാസി വേഷത്തില്‍ പോലും അതു പ്രകടമായിരുന്നു. കഷായ നിറത്തിലുള്ള കോട്ടും തലക്കെട്ടും സ്വര്‍ണ്ണനിറവും ആകാരസൗഷ്ഠവും ആരേയും ആകര്‍ഷിക്കുന്നതായിരുന്നു.
ചെറുപ്പം മുതല്‍ക്കേ അസാധാരണമായ പല സ്വഭാവങ്ങളും നരേന്ദ്രനില്‍ കണ്ടിരുന്നു. ചെറുപ്പത്തിലെ വലിയ വികൃതിയായിരുന്നു. അമ്മക്കു പോലും മകന്റെ കുസൃതിത്തരങ്ങള്‍ കണ്ടു സഹികെട്ടു. വികൃതിത്തരങ്ങള്‍ കൂടുതലാകുമ്പോള്‍ അമ്മ മകനെ പിടിച്ചിരുത്തി ‘ ശിവ ശിവ ‘ എന്നു ച്ചരിച്ചുകൊണ്ട് തലയില്‍ വെള്ളം കോരിയൊഴിക്കും. എത് അത്ഭുതം നരേന്ദ്രന്‍ ഉടന്‍ ശാന്തനാകും. ഇതു കാണുമ്പോള്‍ മാതാവ് പറയും ‘’ ഞാന്‍ വിശ്വേശ്വരനോടു ഒരു പുത്രനെ തരണമെന്നു യാചിച്ചതിനു സ്വന്തം ഭൂതഗണങ്ങളില്‍ ഒന്നിനെതന്നെ അയച്ചു തന്നിരിക്കുകയാണെന്നു തോന്നുന്നു”
Generated from archived content: vivekananda3.html Author: sathyan_thannipuzha
