ഒരു നാടിരുനാട്
പലനാട് ചേർന്ന-
ഒരു മഹാരാജ്യമാ-
ണിന്ത്യാരാജ്യം.
ഒരു നദിയിരുനദി
പലനദി ചേർന്ന-
ഒരു മഹാരാജ്യമാ-
ണിന്ത്യാ രാജ്യം.
ഒരു ഭാഷയിരുഭാഷ
പല ഭാഷ ചേർന്ന-
ഒരു മഹാരാജ്യമാ-
ണിന്ത്യാ രാജ്യം.
ഒരു മതം പലമതം
ഒരുമിച്ചു ചേർന്ന
ഒരു മഹാരാജ്യമാ-
ണിന്ത്യാ രാജ്യം.
ഒരു വേഷമിരുവേഷം
പലവേഷം ചേർന്ന-
ഒരു മഹാരാജ്യമാ-
ണിന്ത്യാ രാജ്യം.
ഒരു നൂറുകോടി ജന-
മൊരുമിച്ചു വാഴുന്ന
ഒരു മഹാരാജ്യമാ-
ണിന്ത്യാ രാജ്യം.
ഒരു കോടി ദേവാ-
ലയങ്ങളെ സൃഷ്ടിച്ച
ഒരു മഹാരാജ്യമാ-
ണിന്ത്യാ രാജ്യം.
ഒരമ്മതൻ മക്കൾ
ഒരുമിച്ചു വാഴുന്ന
ഒരു മഹാരാജ്യമാ-
ണിന്ത്യാ രാജ്യം.
ഒരുമയിൽ സോദര
സ്നേഹത്താൽ ജീവിക്കും
ഒരു മഹാരാജ്യമാ-
ണിന്ത്യാ രാജ്യം.
ഒരു കക്ഷിയിരുകക്ഷി
പലകക്ഷി ഭരിക്കുന്ന-
ഒരു മഹാരാജ്യമാ-
ണിന്ത്യാ രാജ്യം.
ഒരു നാളും പിരിയാതെ
ഒരുമയിൽ വാഴുന്ന
ഒരു മഹാരാജ്യമാ-
ണിന്ത്യാ രാജ്യം.
ഒരുപാട് ത്യാഗങ്ങൾ
ഇനിയും സഹിക്കേണ്ട
ഒരു മഹാരാജ്യമാ-
ണിന്ത്യാ രാജ്യം.
Generated from archived content: nursery_india.html Author: mukundan_pulari
Click this button or press Ctrl+G to toggle between Malayalam and English