ഞാൻ പാടുമ്പോളെന്നൊപ്പം
കുയിലും കുരുവീം പാടുന്നു.
നർത്തനമാടുന്നെൻ ചുറ്റും
ആമോദമോടെ മയിലുകളും.
ഞാനോടുമ്പോളെന്നൊപ്പം
അമ്പിളിമാമനുമോടുന്നു,
ഊഞ്ഞാലിൽ ഞാനാടുമ്പോൾ
ഓലേഞ്ഞാലിയുമാടുന്നു.
വണ്ടുകൾ മൂളുന്നെൻ കാതിൽ
-കൈതപ്പൂമണമുണ്ണിക്ക്‌!
വാഴച്ചുണ്ടുകൾ മൊഴിയുന്നു
-ഞ്ഞങ്ങടെ മധുവും ഉണ്ണിക്ക്‌!
തേന്മാവെന്നോടോതുന്നു
-ഉണ്ണിയ്‌ക്കെന്നുടെ പഴമെല്ലാം?
രഹസ്യം ചൊല്ലുന്നുദ്യാനം
-ഉണ്ണിക്കെന്നുടെ പൂക്കളിതാ!
ഉണ്ണിക്കയ്യിൽ നിറയുന്നു
കുന്നിക്കുരുവും മഞ്ചാടീം
വർണ്ണസ്‌മിതമോടെത്തുന്നു
മഴവി,ല്ലന്തിക്കതിരോനും.
മഞ്ഞക്കിളിയും മാരുതനും
ചെന്തെങ്ങിൻ ചെറുപൊന്മാനും
കളിയാടാനിവരെല്ലാരും
കൂടുമ്പോളെന്താഹ്ലാദം! !
Generated from archived content: nursery_july10.html Author: maridam_tk
Click this button or press Ctrl+G to toggle between Malayalam and English