പ്രിയതമയ്ക്ക്..

img-thing

കുറ്റബോധത്തിൽ മുഖം താഴ്ത്തി ഞാനെന്റെ
കുട്ടന്റെ കൈത്തലം മെല്ലെത്തലോടവേ
കണ്ണുകൾ നോക്കിയിരിക്കുമ്പോളറിയാതെ
കണ്ണുനീർ വീഴുന്നതെന്തിനിന്നൊഴിയാതെ..

ഇന്നലെ സ്നേഹിച്ചിടാൻ മറന്നോ നിന്നെ
ഇന്നു ഞാൻ സ്നേഹിച്ചു തീർക്കുമതൊക്കെയും
ഇന്നലെ കാണാത്ത സൗന്ദര്യമൊക്കെയും
ഇന്നു ഞാൻ ആസ്വദിച്ചാത്മാവിലേറ്റിടും

മിഴികളിൽ നിറയുന്ന കണ്ണുനീരാകെയും
ഞാനെന്റെ ചുണ്ടുകൾ കൊണ്ട് തുടച്ചിടും
കരളിൽ കലർന്ന നിൻ കദനത്തിൻ വാവുകൾ
ഞാനെന്റെ ഹൃദയത്തിലിന്നേറ്റു വാങ്ങിടും

അഭിശപ്തനിമിശത്തിൻ തെറ്റുകൾക്കൊക്കെയും
നീ തരും മാപ്പാണെനിക്കിനി ജീവിതം
നീയാണ് സ്നേഹത്തിലിനിയെൻ നിലാവൊളി
നീ തരും സാന്ത്വനമിനിയെന്റെ ജീവിതം..

 

അഭിപ്രായങ്ങൾ

അഭിപ്രായങ്ങൾ

SHARE
Previous articleആരുമില്ലാത്തവരുടെ ഓരോരോ വരികള്‍
Next articleപോത്തിനെ ആട് തിന്നു
നൈന മണ്ണഞ്ചേരി
ആലപ്പുഴ ജില്ലയിലെ മണ്ണഞ്ചേരിയില്‍ 1967-ല്‍ ജനനം. മലയാളത്തില്‍ എം.എ.ബിഎഡ്.ബിരുദം.കഥകള്‍,കവിതകള്‍, ലേഖനങ്ങള്‍ തുടങ്ങിയവ പ്രസിദ്ധീകരിക്കുകയും ആകാശവാണി പ്രക്ഷേപണം ചെയ്യുകയും ചെയ്തിട്ടുണ്ട്. നര്‍മ്മസാഹിത്യരംഗത്ത് കൂടുതല്‍ സജീവം.പാലാ കെ.എം.മാത്യൂ പുരസ്കാരം,ചിക്കൂസ് പുരസ്ക്കാരം, പൂന്താനം പുരസ്കാരം, കലാകേന്ദ്രം പുരസ്കാരം, കല്‍ക്കട്ട പുരോഗമനകലാസാഹിത്യ സംഘം പുരസ്ക്കാരം,ബാംഗളൂര്‍ പ്രവാസിസാഹിത്യ പുരസ്ക്കാരം,ബാംഗളൂര്‍ മലയാളിസമാജം പുരസ്ക്കാരം, നെഹ്രുട്രോഫി ജലോത്സവ സുവനീർ കമ്മറ്റിയുടെ റിപ്പോര്‍ട്ടിംഗ് പുരസ്ക്കാരം തുടങ്ങിയ നേടിയിട്ടുണ്ട്. ‘’സൂക്ഷിക്കുക അവാര്‍ഡ് വരുന്നു’’, ‘’പങ്കന്‍സ് ഓണ്‍ കണ്‍ട്രി’’, ‘’ഇമ്മിണി ബല്യ നൂറ്’’ ''ഓമനപ്പാറ ഗ്രാമപഞ്ചായത്ത്',''വഴിയേ പോയ വിനോദയാത്ര'' തുടങ്ങിയ നര്‍മ്മ കഥാസമാഹാരങ്ങളും ''സ്നേഹതീരങ്ങളിൽ'',''മന്ത്രവാദിയുടെ കുതിര'' തുടങ്ങിയ ബാലസാഹിത്യ കൃതികളും പ്രസിദ്ധീകരിച്ചിട്ടുണ്ട്. പ്രസിദ്ധീകരിച്ചിട്ടുണ്ട്. ''സ്നേഹതീരങ്ങളിൽ'' എന്ന നോവൽ ''സ്നേഹതീരത്തെ അക്ഷരപ്പൂക്കൾ'' എന്ന പേരിൽ സിനിമയായി.ഇതിന്റെ തിരക്കഥ,സംഭാഷണം,ഗാനങ്ങൾ എഴുതി. ''നന്ദിത'' എന്ന സിനിമയിലും ഗാനങ്ങൾ എഴുതി. അഞ്ച് വര്‍ഷം സൗദിഅറേബ്യയില്‍ ജോലി ചെയ്തു. ഇപ്പോള്‍ ആലപ്പുഴ ജില്ലാ ലേബർ ഓഫീസിലെ ജീവനക്കാരന്‍. എരമല്ലൂരില്‍ താമസിക്കുന്നു. വിലാസം: നൈനമണ്ണഞ്ചേരി, നൈനാസ്, എരമല്ലൂര്‍. പി.ഒ, ആലപ്പുഴ(ജില്ല) പിന്‍ -688537. Address: Phone: 9446054809

അഭിപ്രായം എഴുതുക

Please enter your comment!
Please enter your name here