ഫേസ്ബുക്കിൽ ഒരു ദിവസം അവൾക്കൊരു ഫ്രണ്ട് റിക്വസ്റ്റ് വന്നു. അറിയാത്ത ആളുകളുടെ റിക്വസ്റ്റ് സ്വികരിക്കാൻ പാടില്ലെന്ന് അറിയാമായിരുന്നിട്ടും… അവൾ അത് സ്വീകരിച്ചു…
ഫോട്ടോയിൽ ഒരു പോത്തിന്റെ പടമായിരുന്നു…. പോത്തിനെ അവൾക്ക് കണ്ണെടുത്താൻ കണ്ടുകൂടാത്ത മൃഗമായിരുന്നു… എങ്കിലും അങ്ങനൊക്കെ സംഭവിച്ചു…
പ്രൊഫൈൽ ചെക്ക് ചെയ്തു നോക്കിയത് പിന്നീടാണ്…
എഡ്യൂക്കേഷൻ സ്റ്റാറ്റസ് – പത്താം ക്ലാസ്സിൽ തോറ്റു… സ്ഥലം – എല്ലായിടത്തും ഉണ്ട്. ജണ്ടർ – ആണ്. ഇവന് വട്ടനാണോ? ഞാൻ എന്തൊരു പൊട്ടിയാ….
ഇതെല്ലാം ചിന്തിച്ചു ആധി കേറി നിൽകുമ്പോളാണ്
“ഫോൺ നമ്പർ തരുമോ” എന്നൊരു റിക്വസ്റ്റ്….
അവൾ കൊടുത്തില്ല…. പിന്നെ മെസ്സേജ്കളുടെ പ്രളയം…. അവൾ ഒന്നിനും മറുപടി നൽകിയില്ല…
കൂട്ടുകാരികളോട് പറഞ്ഞു.. അവർ മെസ്സേജ് കണ്ടിട്ട് പറഞ്ഞു.
“ആളു പോത്താണെങ്കിലും ഡീസന്റ് ആണെന്ന്നു തോന്നുന്നു.” അവളുടെ മറുപടി ഇല്ലെങ്കിലും അയാൾ മെസ്സേജ് അയച്ചു കൊണ്ടേയിരുന്നു..
അയാളുടെ പ്രായം എന്താണെന്നോ… അയാൾ എവിടെ ആണെന്നോ ഒന്നും അവൾ അന്വേഷിക്കാൻ പോയില്ല.. അവളുടെ ഫ്രണ്ട്സിനെല്ലാം ഡെയിലി അവളുടെ മെസ്സേജ് വായിച്ചു രസിക്കുക എന്നത് ഓരോ ഹോബി ആയി …
ദിവസം കഴിയുംതോറും അയാളോട് ദേഷ്യവും വെറുപ്പും അവൾക്ക് തോന്നിത്തുടങ്ങി.
“ഞാൻ അയാളെ റിമോവ് ചെയ്യാൻ പോവ്യ.” അവൾ പറഞ്ഞു.
“എടി അയാൾക്ക്‌ നിന്നോട് ലവ് ആണെന്നോ.. മോശമായ ഒരു വാക്കോ അയാൾ എഴുതിയിട്ടില്ല, പിന്നെ നീ എന്തിനാ അണ്ഫ്രണ്ട് ചെയുന്നത്,” അവളുടെ കൂട്ടുകാരികൾ പറഞ്ഞു.
“അയാൾക്ക്‌ മറ്റു പണിയൊന്നുമില്ലേ.” അവൾ ചൊടിച്ചു .
“എടി അയാളുടെ വയസും ഫോട്ടോയും നീ ഒന്ന് ചോദിക്ക്,”
കൂട്ടുകാരികൾ അവളെ ഒന്നു പ്രോത്സാഹിപ്പിക്കാൻ ശ്രമിച്ചു.
അത് കേട്ടപ്പോൾ അവൾക്ക് കലി കയറി… അറിയാവുന്നതും അറിയാത്തതുമായ എല്ലാ സഹായ ക്രിയകളും ഉപയോഗിച്ച് അവളുമാരെ അവൾ തുരത്തി.
മൊബൈൽ എടുത്ത് ഫേസ്ബുക്കിൽ അണ്ഫ്രണ്ട് ചെയ്യാൻ വിരലുകൾ തൊട്ടപ്പോൾ മൊബൈൽ ഓഫായിപ്പോയി… ആ ദേഷ്യത്തിൽ മൊബൈൽ അവൾ വെളിയിലേക്ക് വലിച്ചെറിഞ്ഞു…
“എന്താ മോളെ നിനക്കെന്തു പറ്റി.” അമ്മ വന്ന് ചോദിച്ചു. അവൾ അമ്മയ്ക്ക് നേരെ ചീറി.
“എന്റശ്വരാ ഈ കുട്ടിക്കിതെന്തു പറ്റി.” അമ്മ പരിതപിച്ചു.
കൂട്ടുകാരികൾ എല്ലാം മറന്നു വീണ്ടും അവളെ കാണാൻ വന്നു.
“എടി മെസ്സേജ് വന്നോടി.”
“ഇന്നലെ രാവിലെ ഒരു മെസ്സേജ് വന്നു, പിന്നെ ഒന്നും വന്നില്ല, പോത്തിനു മനസിലായിക്കാണും അവനുദ്ദേശിക്കുന്ന പെണ്ണല്ല ഞാനെന്നു.” അവൾ തെല്ലു ഉത്സാഹത്തോടെ പറഞ്ഞു.
“അയ്യോ, കഷ്ടമായിപ്പോയല്ലോടി.” കൂട്ടുകാരികളുടെ മുഖം മങ്ങി…
ദിവസങ്ങൾ ഓരോന്നും കടന്നു പോയി. പോത്തിന്റെ മെസ്സേജ് ഒന്നും വരാതെയായി… അവൾക്ക് ഉറക്കം നഷ്ടപ്പെട്ടു…എന്താ തനിക്ക് സംഭവിച്ചത്…. ആകെ ഒരു നിരാശ… ഉറക്കമില്ലാത്ത രാത്രികളിൽ അവൾ മൈബൈൽ കൈയിൽ പിടിച്ചിരുന്നു… മെസ്സേജിനായി കാത്തിരുന്നു… ചിലപ്പോൾ ഉറക്കത്തിൽ ഒരു പോത്ത് മുക്രയിട്ട് അവളുടെ നേരെ ചീറിവരുന്നത് കണ്ട്‌ അവൾ ഞെട്ടിയുണരും…
