തൃശ്ശൂര്‍ പൂരത്തോടനുബന്ധിച്ച് കേരള സാഹിത്യ അക്കാദമി സംഘടിപ്പിക്കുന്ന പത്തുദിവസത്തെ പൂരം പുസ്തകോത്സവം അക്കാദമി പ്രസിഡന്റ് സച്ചിദാനന്ദന്‍ ഉദ്ഘാടനം ചെയ്തു. സെക്രട്ടറി സി.പി. അബൂബക്കര്‍ അദ്ധ്യക്ഷനായിരുന്നു. ആദ്യവില്പന ഡോ. സി.എഫ്. ജോണ്‍ ജോഫിക്ക് പുസ്തകങ്ങള്‍ നല്‍കി അക്കാദമി സെക്രട്ടറി നിര്‍വ്വഹിച്ചു. കെ.എസ്. സുനില്‍കുമാര്‍ സ്വാഗതവും, ഈ.ഡി. ഡേവീസ് നന്ദിയും പറഞ്ഞു. അക്കാദമിയുടെ വൈലോപ്പിള്ളി ഹാളില്‍ നടക്കുന്ന പുസ്തകോത്സവം ഏപ്രില്‍ 27 വരെ നീളും. രാവിലെ 9 മണി മുതല്‍ വൈകീട്ട് 8 മണി വരെ നടക്കുന്ന മേളയില്‍ വിവിധ സാംസ്കാരികസ്ഥാപനങ്ങള്‍ പ്രസിദ്ധീകരിച്ച പുസ്തകങ്ങള്‍ ലഭ്യമാണ്.
Click this button or press Ctrl+G to toggle between Malayalam and English