പിടി ഉണ്ടാക്കുന്നതിനു ആവശ്യമായ ചേരുവകള്‍:
അരിപൊടി-ഒരു കിലോ
തേങ്ങ ചിരകിയത്- ഒരു കപ്പു
ജീരകം- ഒരു സ്പൂണ്‍
വെളുത്തുള്ളി- പത്തെണ്ണം
തേങ്ങാപാല്‍- ഒരു കപ്പു
കറിവേപ്പില- രണ്ടു തണ്ട്
ഉപ്പു-പാകത്തിന്
പിടി തയ്യാറാക്കുന്ന വിധം
ചീന ചട്ടി ചൂടാക്കി അരിപൊടി നന്നായി വറുക്കുക.
വറുത്തു പാകമാകുമ്പോള്‍ കുറച്ചു തേങ്ങ ചിരകിയതും കൂടി ഇടുക. ജീരകവും വെളുത്തുള്ളിയും ചതച്ചിട്ട് വെള്ളം തിളപ്പിച്ച ശേഷം ഈ വെള്ളം ഉപയോഗിച്ച് വറുത്ത അരിപൊടി കുഴച്ചു ചെറിയ ഉരുളകളാക്കുക. ഉരുളി ചൂടാക്കി അതിലേക്കു ജീരകവും വെളുത്തുള്ളിയും ചേര്‍ത്ത് തിളപ്പിച്ച വെള്ളം അല്‍പ്പം ഒഴിച്ച് ഒന്ന് കൂടി തിളപ്പിച്ച ശേഷം കറിവേപ്പില , തേങ്ങ ചിരകിയത്, തേങ്ങ പാല്‍,പാകത്തിന് ഉപ്പു എന്നിവ ചേര്‍ത്ത് അതിലേക്കു ഉരുട്ടി വെച്ച ഉരുളകള്‍ കൂടി ഇട്ടു ചെറുതായി ഇളക്കുക. നന്നായി കുറുകി വരുമ്പോള്‍ വാങ്ങാം. വറുത്തരച്ച കോഴിക്കറി ചേര്‍ത്ത് കഴിക്കാം.
കോഴിക്കറി ഉണ്ടാക്കുന്ന വിധം
ചിക്കന്‍ കഷണങ്ങള്‍ മഞ്ഞള്‍ പൊടി, ഉപ്പു എന്നിവ ചേര്‍ത്ത് വേവിക്കുക.ഒരു മുറി തേങ്ങ ചിരകിയത് വറ്റല്‍ മുളക്, മല്ലിപൊടി, ഗരം മസാല എന്നിവ ചേര്‍ത്ത് വറുത്ത ശേഷം നന്നായി അരച്ചെടുക്കുക. ചീനച്ചട്ടിയില്‍ എണ്ണ ചൂടാക്കി സവാള, ചതച്ച പച്ചമുളക്, ഇഞ്ചി, വെളുത്തുള്ളി, കറിവേപ്പില എന്നിവ ഇട്ടു നന്നായി വഴറ്റുക. ചിക്കന്‍ മസാല ചേര്‍ത്ത് വഴറ്റുക. ഇതിലേക്ക് അരച്ച് വെച്ച തേങ്ങയും പാകത്തിന് ഉപ്പും ചേര്‍ത്ത് അല്‍പ്പം വെള്ളം ഒഴിച്ച് തിളപ്പിക്കുക. വേവിച്ചു വെച്ച ചിക്കന്‍ കഷണങ്ങള്‍ കൂടി ചേര്‍ത്ത് ചാറ് കുറുകുമ്പോള്‍ വാങ്ങാം.
Click this button or press Ctrl+G to toggle between Malayalam and English