ഭീകരവിരുദ്ധപോരാട്ടത്തിന്റെ പേരില്‍ അധിനിവേശ സേന നടത്തുന്ന ക്രൂരമായ പീഡനങ്ങള്‍ക്ക് ഇരയാകേണ്ടിവരുന്ന സുലൈമാന്റെ കഥപറയുകയാണ് ജുനൈദ് അബൂബക്കറിന്റെ പൊനോന്‍ ഗോംബെ എന്ന നോവല്‍. ആഗോള ഭീകരതയ്ക്ക് എതിരെയുള്ള യുദ്ധത്തിന്റെ പേരില്‍ ബലിയാടാകേണ്ടിവരുന്ന ആഫ്രിക്കന്‍ ജീവിതങ്ങളുടെ പ്രതിനിധിയാണിവിടെ സുലൈമാന്‍ എന്ന മത്സ്യത്തൊഴിലാളി.
വായനക്കാര്‍ക്ക് തീര്‍ത്തും അപരിചിതമായ ഒരു പ്രദേശത്തെ ജീവിതത്തെയും സംസ്‌കാരത്തെയും രാഷ്ട്രീയത്തെയുമാണ് നോവലിസ്റ്റ് ഇവിടെ അവതരിപ്പിക്കുന്നത്. വിവാഹമുള്‍പ്പെടെയുള്ള അവിടുത്തെ ആചാരാനുഷ്ഠാനങ്ങള്‍, സ്വാഹ്ലി ഭാഷയുടെ ശക്തിസൗന്ദര്യങ്ങള്‍, ആ ദേശത്തിന്റെ ചരിത്രപശ്ചാത്തലം, അവിടുത്തെ സാമൂഹികാവസ്ഥ, എന്നിവയെല്ലാം സുലൈമാന്റെ കഥയുടെ പശ്ചാത്തലമായി ജുനൈദ് അബൂബക്കര്‍ പൊനോന്‍ ഗോംബെയില്‍ അവതരിപ്പിക്കുന്നുണ്ട്. അത് വായനയെ കൂടുതല്‍ രസകരമാക്കുകയും കഥയുടെ കരുത്ത് വര്‍ദ്ധിപ്പിക്കുകയും ചെയ്യും. ഡി സി ബുക്‌സ് പ്രസിദ്ധീകരിച്ച പൊനോന്‍ ഗോംബെ ഇപ്പോള്‍ വിപണിയില്‍ ലഭ്യമാണ്.
Click this button or press Ctrl+G to toggle between Malayalam and English