നോമ്പ്

മനസ്സൊരുങ്ങി, മേലും വഴങ്ങി
മനോഹരമാക്കേണ്ടതാണീ നോമ്പ്.
ആത്മീയ ധാരയിൽ മതിവരുവോളം
തുഴഞ്ഞു നീങ്ങുവാൻ
തെളിഞ്ഞതാണീ നോമ്പ്.
വിശപ്പെന്ന പരവതാനിയിൽ
മോഹങ്ങളെ ചവിട്ടിമെതിച്ച്
മഞ്ജുളമാക്കേണ്ടതാണീ നോമ്പ്.
മണിക്കൂറുകൾ പന്ത്രണ്ട്
തികയലല്ല… നോമ്പ്,
ഫജ്റിന്റെ ധ്വനിയും
മഗ് രിബിന്റെ വർണ്ണങ്ങളും
അതിരുകൾ ചേർന്ന
അലങ്കരാരമീ നോമ്പ്.
മഴത്തുള്ളികൾ കൊണ്ട്
തണുത്ത സുഖമുള്ള നാളുകളും,
മഞ്ഞു മൂടുന്ന
കുളിരുള്ള ദിനങ്ങളും
തെരഞ്ഞെടുത്ത് മാത്രം
നോക്കുന്നതല്ല…നോമ്പ്.
ഗ്രീഷ്മമാണെങ്കിലും
ഉഷ്ണമാണെങ്കിലും
പരിശുദ്ധ മാസ സമാഗമത്തിന്റെ
നാളുകൾക്ക് മാത്രം
ചമയമാണീ നോമ്പ്.

അഭിപ്രായങ്ങൾ

അഭിപ്രായങ്ങൾ