ന്യൂനപക്ഷങ്ങളെ സംബന്ധിച്ച നിലപാടിൽ ആന്റണി ഉറച്ചു നിന്നാൽ വരുന്ന തെരഞ്ഞെടുപ്പിൽ അദ്ദേഹത്തിനുവേണ്ടി പ്രചരണം നടത്താൻ താൻ തയ്യാറാണെന്ന്‌ വി.എച്ച്‌.പി സെക്രട്ടറി പ്രവീൺ തൊഗാഡിയ പറഞ്ഞു.
ചെന്നൈയിൽ വി.എച്ച്‌.പി. ആസ്ഥാനത്ത്‌ നടന്ന പത്രസമ്മേളനത്തിൽ പങ്കെടുക്കുകയായിരുന്നു തൊഗാഡിയ. ആന്റണിയുടെ നിലപാടിനെ ഔദ്യോഗികമായി പ്രശംസിക്കാനായില്ലെങ്കിലും വ്യക്തിപരമായി അദ്ദേഹത്തിന്റെ അഭിപ്രായങ്ങൾ പങ്കുവെയ്‌ക്കുന്നു. തൊഗാഡിയ കൂട്ടിച്ചേർത്തു.
മറുപുറംഃ- ചെമ്പരത്തിപ്പൂവിട്ട്‌ തവളയെ പിടിക്കുന്ന പോലെയാണ്‌ തൊഗാഡിയയുടെ പരിപാടി. ആന്റണിസാറേ, ഇത്‌ കളി വേറെയാണ്‌ കേട്ടോ. ഈ വിത്ത്‌ വേവുന്ന ലക്ഷണം കാണുന്നില്ല. കേരളത്തിൽ നിലവിൽ വി.എച്ച്‌.പി.യൊക്കെ വായ പോയ വാക്കത്തിയാ…. വെട്ടുകൊണ്ടാൽ ഏറ്റു….. കുരുക്കിൽ വീഴാതെ നോക്കണേ, ആ കസേരയിൽ ഇരുന്നാൽ പൊളളിപോവും.
Generated from archived content: news4_july19.html
