സഖാക്കളുടെ പുത്രന്മാർ സിനിമയിലേയ്‌ക്ക്‌

സി.പി.എം നേതാക്കളായ എം.എ.ബേബിയുടെ മകനായ അശോകും കൊടിയേരി ബാലകൃഷ്‌ണന്റെ മകനായ ബിനീഷും സിനിമാലോകത്തേയ്‌ക്ക്‌ കടക്കുന്നു. ആത്മമിത്രങ്ങളായ ഇവർ സിനിമയിൽ നായകനും വില്ലനുമായാണ്‌ അഭിനയിക്കുന്നത്‌. സജി നന്ദിയോട്ട്‌ നിർമ്മിക്കുന്ന ‘ഫൈവ്‌ ഫിംഗേഴ്‌സ്‌’ എന്ന സിനിമയിലാണ്‌ ഇവർ അഭിനയിക്കുന്നത്‌. കാമ്പസ്‌ പശ്ചാത്തലത്തിലാണ്‌ സിനിമ മുന്നോട്ടുപോകുന്നത്‌.

മറുപുറംഃ- രാജ്‌മോഹൻ ഉണ്ണിത്താനെ ഗുരുവായി മനസ്സിൽ കണ്ടുവേണം ക്യാമറയ്‌ക്കു മുന്നിലെത്താൻ….കോൺഗ്രസിൽ രക്ഷയില്ലെന്നു കണ്ടപ്പോൾ ഉണ്ണിത്താൻ സിനിമയിൽ പയറ്റാൻ പോകുന്നു….വിപ്ലവം ഉടനെയില്ലെന്ന്‌ ഉത്തമബോധ്യമുളളതിനാൽ സഖാക്കന്മാരും മക്കളെ സിനിമയിൽ ഇറക്കുന്നു…..നല്ല വഴിയാണു മക്കളെ, രാഷ്‌ട്രീയത്തിലിറങ്ങി നാലാംലോകവും മൂന്നാംലോകവും തേടിനടന്ന്‌ നാട്ടുകാരെ പറ്റിക്കണ്ടല്ലോ….നമുക്കീ സിനിമയുടെ മായികലോകം മതി….ആശംസകൾ; ചെറുസഖാക്കളായ ഇവർ ഇനി വിപ്ലവമടുക്കുമ്പോൾ പാർട്ടി ആപ്പീസിലേക്ക്‌ ചേക്കേറിയാൽ മതി….നാൾ കുറെ കഴിയുമ്പോൾ കൈരളി ചാനലിന്റെ ഡയറക്‌ടർ പദവിക്കുവേണ്ടി സുഹൃത്തുക്കൾ തമ്മിലടി തുടങ്ങുമോ ആവോ….?

Generated from archived content: news1_sep21.html

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here