ആദിവാസിസമൂഹം വോട്ടുബാങ്ക്‌ അല്ലാത്തതിനാൽ എല്ലാ സർക്കാരുകളും ഇവരെ അവഗണിക്കുകയാണെന്ന്‌ എസ്.എൻ.ഡി.പി യോഗം ജനറൽ സെക്രട്ടറി വെളളാപ്പളളി നടേശൻ പറഞ്ഞു. വാർത്താപ്രാധാന്യം ലഭിക്കാൻ കുറെ പദ്ധതികൾ പ്രഖ്യാപിക്കുക മാത്രമാണ്‌ ഇവർക്കായി സർക്കാർ ചെയ്യുന്നത്‌. ഉരുൾപൊട്ടലുണ്ടായ ആനപ്പാന്തം ആദിവാസി കോളനിനിവാസികളെ താമസിപ്പിച്ചിരിക്കുന്ന വെളളിക്കുളങ്ങര സർക്കാർ എൽ.പി.സ്‌കൂൾ ക്യാമ്പ്‌ സന്ദർശിച്ചശേഷം പത്രലേഖകരോട്‌ സംസാരിക്കുകയായിരുന്നു വെളളാപ്പളളി.
മറുപുറംഃ കുറെനാൾക്ക്‌ മുമ്പ്‌ പിന്നോക്കപ്രേമം മൂത്ത്‌ ആദിവാസികളെയും ദളിതരേയും ഒരുമിപ്പിച്ച്‌ സമരങ്ങൾ നടത്താൻ മുന്നോട്ടിറങ്ങിയ വെളളാപ്പളളി പെട്ടെന്നായിരുന്നു നാരായണപ്പണിക്കരുടെ തൊലിവെളുപ്പിൽ മയങ്ങി സവർണനായത്‌. അതും ഒരു വോട്ടുബാങ്ക്‌ കച്ചവടംതന്നെ. സൂക്ഷിച്ചോളൂ ആദിവാസികളേ… ഒരു മുഴം മുമ്പേ എറിയുന്നവനാ വെളളാപ്പളളി, പെട്ടെന്ന്‌ മനസ്സിലാകില്ല ഈ മഹാന്റെ ഉളളം… എന്തെങ്കിലും മാനത്ത്‌ കണ്ടിട്ടുണ്ടാകും.
Generated from archived content: news1_july22_05.html
