തന്റെ പാർട്ടിയുടെ തിരഞ്ഞെടുപ്പ്‌ ചിഹ്നം പരിഷ്‌കരിച്ചു നൽകണമെന്ന്‌ ഡി.ഐ.സി (കെ) നേതാവ്‌ കെ.കരുണാകരൻ മുഖ്യതിരഞ്ഞെടുപ്പ്‌ കമ്മീഷനോട്‌ ആവശ്യപ്പെട്ടു. പഴയ മോഡൽ ടെലിവിഷനാണ്‌ ഡി.ഐ.സിയുടെ ഇപ്പോഴത്തെ ചിഹ്നം. അത്‌ പുതിയ മോഡൽ ആക്കണമെന്നാണ്‌ കരുണാകരന്റെ ആവശ്യം.
മറുപുറംഃ ങാ… ഡി.ഐ.സി ഏതാണ്ട്‌ കണ്ടം വന്ന ടെലിവിഷൻ സെറ്റുപോലെയായിട്ടുണ്ട്‌. എൽ.ഡി.എഫും, യു.ഡി.എഫും അതിൽ പരിപാടിയൊന്നും കാണുന്നില്ല. ചാനലുകളാണെങ്കിൽ മൂന്നോ നാലോ മാത്രമെയുളളൂ… അതും ട്യൂൺ ചെയ്യണമെങ്കിൽ പണി വേറെയും വേണ്ടിവരും. ഇപ്പോൾ മുഖ്യ മെക്കാനിക്കുമാരായ വെളിയം ഭാർഗ്ഗവനും മറ്റും ഈ സെറ്റിനെ തിരിഞ്ഞു നോക്കുന്നില്ല. പുതിയതൊരെണ്ണം തട്ടിക്കൂട്ടി ഒപ്പിക്ക്‌ കരുണാകരാ, ഒരു സ്‌റ്റീരിയോ ഫോണിക്‌ സിസ്‌റ്റം…. കാലം കഴിഞ്ഞാലും മകന്‌ ജീവിക്കണ്ടായോ….?
Generated from archived content: news1_feb08_06.html
