എസ്‌.എൻ.സി ലാവ്‌ലിൻ കരാർ ഇടതുമുന്നണിയിൽ ചർച്ച ചെയ്‌തിട്ടില്ലെന്ന്‌ പ്രതിപക്ഷനേതാവ്‌ വി.എസ്‌. അച്യുതാനന്ദൻ പറഞ്ഞത്‌ ഓർമ്മക്കുറവ്‌ കൊണ്ടാകാമെന്ന്‌ ഇടതുമുന്നണി കൺവീനർ പാലൊളി മുഹമ്മദ്‌കുട്ടി. ബാലാനന്ദൻ കമ്മറ്റി റിപ്പോർട്ടും പാർട്ടി സെക്രട്ടറിയേറ്റ്‌ ചർച്ച ചെയ്‌തിരുന്നുവെന്നും പാലൊളി പറഞ്ഞു.
മറുപുറംഃ ഇതുപോലെ ഏതാണ്ടല്ലേ കുറച്ചുനാൾ മുമ്പ്‌ പിണറായി വിജയൻ മീനാക്ഷിതമ്പാനോട്‌ പറഞ്ഞത്‌… മന്ദബുദ്ധിയാണെന്നോ, പ്രായാധിക്യം മൂലമാണെന്നോ മറ്റോ…. ദേ ഇപ്പോൾ പാലൊളിയും പറയുന്നു ഓർമ്മപ്പിശകാണെന്ന്‌. സംഗതി കൊളളാം. ആരെങ്കിലും മർമ്മത്തു കുത്തിയാൽ അപ്പോൾതന്നെ അവർ മന്ദബുദ്ധികളും ഓർമ്മപ്പിശകുളളവരും ആകും. ഇതിനെയാണോ സഖാവെ വൈരുദ്ധ്യാത്മക ഭൗതികവാദം എന്നു പറയുന്നത്‌….. ചിരിക്കുകയല്ലാതെ എന്തുചെയ്യാൻ.
Generated from archived content: news1_aug5_05.html
