ഞാൻ എന്റെ ഹൃദയം
അവളുടെ ഹൃദയത്തിൽ വെച്ച്
എങ്ങനെയോ മറന്നുപോയി .
വിരഹവേദനയിൽ പറന്നുപോയ
ഒരു കിളി ഞങ്ങളുടെ പ്രണയം
തുളുമ്പുന്ന ഹൃദയം കൊത്തിയെടുത്തു
എവിടെക്കോ പറന്നുപോയി.
ഹൃദയം നഷ്ടപ്പെട്ട ഞങ്ങൾ
കാറ്റായ് മഴയായ് അലയുന്നു
ഇന്നലെ ഈ കടൽ ക്ഷോഭിക്കാൻ കാരണം
കിളിയുടെ ചുണ്ടിൽ നിന്നും
വീണ ഞങ്ങളുടെ ഹൃദയത്തിന്റെ
അനാഥത്വം ആകാം.
നാളെ അതൊരു സുനാമിയായി
സ്നേഹിക്കുന്നവരെ തലോടിയേക്കാം.
