മാമലശേരി ഗവണ്‍മെന്‍റ് ഹയർ സെക്കന്‍ഡറി സ്കൂളിലെ കുട്ടികളുടെ സർഗവാസനയിൽ വിരിഞ്ഞ ‘നാദം’ എന്ന കവിത സമാഹാരം പ്രകാശനം ചെയ്തു. രചനയും ആലാപനവുമെല്ലാം സ്കൂളിലെ കുട്ടികളാണ് നിർവഹിച്ചിരിക്കുന്നത്. കുട്ടികൾ രചിച്ച കവിതകളിൽനിന്നു തെരഞ്ഞെടുത്തവയ്ക്ക് സംഗീതം നൽകി പുറത്തിറക്കുകയായിരുന്നു. ഇതിനായി സ്കൂളിൽ പ്രത്യേകം സ്റ്റുഡിയോ സജ്ജമാക്കിയിരുന്നു. സ്കൂളിൽ നടന്ന ചടങ്ങിൽ സാഹിത്യകാരനും അധ്യാപകനുമായ ഹരീഷ് ആർ. നന്പൂതിരിപ്പാട് പ്രകാശനം നിർവഹിച്ചു. പ്രധാനാധ്യാപകൻ രാജൻ ചൂണ്ടിയിൽ അധ്യക്ഷത വഹിച്ചു. പ്രിൻസിപ്പൽ വി.എം. ശ്രീദേവി മുഖ്യപ്രഭാഷണം നടത്തി. നിരണം ശ്രീനിവാസ്, കെ.എസ്. ബിജു, ബാബു കുര്യാക്കോസ്, കെ.വി. ജിഷ, ഏലിയാസ് മാത്യു എന്നിവർ പ്രസംഗിച്ചു.
Click this button or press Ctrl+G to toggle between Malayalam and English