കോഴിപ്പിള്ളി മർത്ത മറിയം പബ്ലിക് സ്കൂളിലും, ഇടയാർ ജവഹർ യുപി സ്കൂളിലും വൈക്കം മുഹമ്മദ് ബഷീർ അനുസ്മരണം നടത്തി. ദിനാചരണത്തോടനുബന്ധിച്ച് മർത്ത മറിയം പബ്ലിക് സ്കൂളിൽ ഡ്യോക്യുമെന്ററി പ്രദർശനവും പുസ്തക വായനയും നടത്തി. വൈസ് പ്രിൻസിപ്പൽ വി.ബി. സിന്ദു ഉദ്ഘാടനം ചെയ്തു. അധ്യാപകരായ ജോമോൻ ജോസ്, മിഥുൻ കുര്യാക്കോസ്, ജയ്മോൾ ജോയി, സിസ്റ്റർ ഹാനേനിയ, അപർണ മേനോൻ, ഡയാന ലാസർ, വിദ്യാർഥികളായ ബ്രിന്ദാ ബിജു പോൾ, ജിയാ ഷാജി തുടങ്ങിയവർ പ്രസംഗിച്ചു. ഇടയാർ ജവഹർ യുപി സ്കൂളിൽ നടന്ന ബഷീർ അനുസ്മരണ പരിപാടികളുടെ ഭാഗമായി മലയാള സാഹിത്യ ക്വിസ്, പോസ്റ്റർ രചന എന്നിവ സംഘടിപ്പിച്ചു. ബഷീർ കൃതികൾ കുട്ടികളെ പരിചയപ്പെടുത്തി.
