അവസാന ആഗ്രഹം?
മരണക്കിടക്കയിലാണ് വൃദ്ധന്‍.
“അവസാന ആഗ്രഹം..?” ആരോ ചോദിച്ചു.
“…ഒരു..മാമ്പഴം…കഴിക്കണം…” വൃദ്ധന്‍ പറഞ്ഞു.
അയാള്‍ കൊണ്ടുകൊടുത്ത തേനൂറുന്ന ആ മാമ്പഴം ചവച്ചു കുടിച്ച് നിര്‍വൃതിയോടെ വൃദ്ധന്‍ കിടന്നു.
“ഇനി എന്തെങ്കിലും..?”
“..ഒരാഗ്രഹം കൂടി..ബാക്കിയുണ്ട്…ഞാന്‍ …മരിക്കുമ്പോള്‍….എന്നെ…ആ…മാവിന്‍ ചുവട്ടില്‍..ദഹിപ്പിക്കണം…”
ഇത് കേട്ട് മൂത്ത മകന്‍ പൊട്ടിത്തെറിച്ചു.
“അപ്പന്റെ ഒടുക്കത്തെ ഒരാഗ്രഹം? ആ മാവ് വെട്ടി ദഹിപ്പിക്കാനിരുന്നതാ. ഇനി കാശു കൊടുത്ത് വേറെ മരം വാങ്ങണമല്ലോ..? നാശം..?”
Click this button or press Ctrl+G to toggle between Malayalam and English