മൺമറഞ്ഞിട്ട്‌ ഇരുപതുനൂറ്റാണ്ടുകൾ കഴിഞ്ഞുവെങ്കിലും ഇന്നും പുരുഷഭാവനയിലുളള ഏറ്റവും സുന്ദരവും ആദർശപൂർണ്ണവുമായ സ്‌ത്രീരൂപം ക്ലിയോപാട്രയുടെതാണ്‌. നൈൽ നദീതടത്തിലെ ഈജിപ്‌ഷ്യൻ സാമ്രാജ്യത്തിന്റെ ചക്രവർത്തിനിയായിത്തീർന്ന ക്ലിയോപാട്രയെപ്പോലെ, പുരുഷന്റെ കാമദാഹം വളർത്തിയ മറ്റൊരു സ്‌ത്രീയും ഭൂമുഖത്തുണ്ടാവാനിടയില്ല. മുപ്പത്തിയൊമ്പതു വയസ്സുവരെ മാത്രം ജീവിച്ച ഈ വിശ്വസുന്ദരി ഹ്രസ്വമായ തന്റെ ജീവിതകാലത്ത്‌ വിഖ്യാത ഭരണകർത്താക്കളായി അക്കാലത്തറിയപ്പെട്ട ജൂലിയസ്‌ സീസറുടെയും മാർക്ക്‌ ആന്റണിയുടെയും ഹൃദയറാണിയായും വാഴിക്കപ്പെട്ടിരുന്നു. ചരിത്രത്തിലും വിശ്വസാഹിത്യത്തിലും ഇടംനേടിയ ഈ സുന്ദരി ഒരു കേരളീയ വനിതയായിരുന്നുവത്രെ…! ചരിത്രത്തിന്റെ പിൻബലത്തിൽ വ്യത്യസ്‌തമായ ഒരന്വേഷണം. കേരളവും ഈജിപ്‌റ്റും തമ്മിലുളള പ്രാചീനബന്ധത്തിന്റെ വേരുകൾ തേടുന്നു ഈ ചരിത്രകൃതി.
ക്ലിയോപാട്ര മലയാളിപ്പെണ്ണാണ്‌, വേലായുധൻ പണിക്കശ്ശേരി, വില – 40 രൂപ, കറന്റ്‌ ബുക്‌സ്‌
Generated from archived content: book1_feb1_06.html Author: velayudhan_panikkasery
Click this button or press Ctrl+G to toggle between Malayalam and English