നിന്റെ മനസ്സിലിപ്പോൾ യുദ്ധമുണ്ട്‌
സ്വപ്‌നം നഷ്‌ടപ്പെടുത്തണമോ; വേണ്ടയോ
എന്ന സ്വത്വയുദ്ധം…
വിവേകം
ഒരു ബോധമാണ്‌
ഉപബോധമുൾക്കൊളളുന്ന പൂർണതയാണ്‌.
അല്ല,
നീയിതെവിടെയാണ്‌?
സ്വപ്‌നലോകത്തെ
എന്റെയിഷ്‌ടക്കാരിൽ
നിന്റെ സ്ഥാനം;
ലഹരിയാണ്‌
സ്‌നേഹത്തിന്റെ
പരിസമാപ്‌തി
നിന്നോളം; എന്നോളം
എന്നേ
അലിഞ്ഞുചേർന്നിരിക്കുന്നു
ശുഭാപ്‌തി വിശ്വാസമുളള പരിസമാപ്‌തിയെ
നിനക്കും
എന്നെപ്പേലെയിഷ്‌ടപ്പെട്ടുകൂടേ…?
* * *
സ്വപ്‌നത്തിൽ അവൾ വരുന്നു
ഞാൻ വരുന്നു
വീണ്ടും ഓർമകളിൽ ഞങ്ങൾ പ്രയാണം
ഇലകൊഴിഞ്ഞ മരം കരയുന്നതവൾ
കാണുന്നേയില്ല
ഇനിയും വരും; അവൾ വരും
രാത്രിയും; രാവും; നട്ടുച്ചയും
എന്റെയുളളിലും പുഴയുണ്ട്‌
എന്നോളം താണ്ടിയാൽ അവളുണ്ട്‌
ആത്മകുടീരമുണ്ട്‌
വഴിവരെ പോകാൻ കാലൊച്ചയും
നോക്കെത്താ കാഴ്‌ചയ്‌ക്ക്‌ നേരവും
ഇനി യാത്ര
ഈ തീരമേല്‌പിച്ച; പൗരാണികക്കാഴ്‌ച
ഞാനായ്‌…
ഹൃദയമായ്‌…
വീണ്ടും; വിട!
Generated from archived content: poem1_feb5.html Author: thahajamal_paipad
