നീയെത്ര കേട്ടിരിക്കുന്നു
വേദനയുടെ
വിള്ളലിന്റെ
ക്രമം തെറ്റിപ്പോയ
ഹൃദയ താളങ്ങള്
ജീവന്റെ ചില്ല് കൂട്ടില് നിന്നും
പിടഞ്ഞു ചാടുന്ന
പ്രാണനെ
എത്രയോ
തിരികെ ചേര്ത്തിരിക്കുന്നു
തണുത്തു തുടങ്ങിയ
എന്റെ ശരീരത്തിലേക്ക്
പ്രാണന്റെ വൈദ്യുതി
കടത്തി വിടും മുന്പേ
ചെവിയോര്ക്കുക
പാതി തുറന്ന
ചുണ്ടുകളില്
കൂട് വിട്ടൊഴിഞ്ഞ
പക്ഷിയുടെ
ശബ്ദമില്ലാത്ത
ചിറകടികള്ക്ക്
Generated from archived content: poem1_apr20_13.html Author: swpana_nair
Click this button or press Ctrl+G to toggle between Malayalam and English