ജീവിതയാത്ര തന്‍ കൂരിരുട്ടില്‍
ഇത്തിരി പ്രകാശമായ് വന്നു നീ
കത്തും നിലവിളക്കിന്‍ തിരി പോലെ
ഒരു പനിനീര്‍ പൂവിതള്‍ പോലെ
സുന്ദരമാണോ നിന്‍ മനസ്സ്?
മമ മനസ്സിന്‍ നോവുകളുണക്കീ നീ
തേന്‍ വാക്കുകളാല്‍…
എന്റെ മനസ്സിന്‍ വള്ളിക്കുടിലില്‍
നീയുറങ്ങുന്നു
നിന്‍ മാറില്‍ തല ചായ്ച്ച് ഞാനും!
മൂവന്തി മയങ്ങുമ്പോള്‍
മാനം വിതറും സിന്ദൂരം
ഒരു ചെപ്പിനകത്താക്കി
ആ ചെപ്പ് തുറന്നാ സിന്ദൂരം
മമ രേഖയില്‍
നീ തൊടുവിക്കും നാള്‍
അമ്പിളിമാമന്‍ നാണിച്ച് പോകും
മുല്ലപ്പൂക്കള്‍ പുഞ്ചിരി തൂകും
മാടപ്രാവിനെ പറത്തിടാം
നമുക്ക് പുലരികളില്‍.
Generated from archived content: poem2_sep27_12.html Author: suhra_kodasseri
