വെളിച്ചം

അച്ഛനുപിറകെ കുഞ്ഞി-

ട്ടോർച്ചടിച്ചു വന്നതും,

രാത്രിയിലോക്കാനം കേൾക്കും

വീടിന്റെ കൈവഴിയിലേക്കാ-

ഞ്ഞാകാശം നീട്ടിപ്പിടിച്ചതും

പുകയറയിൽ നിന്നുകുതറി

കരണംമറിഞ്ഞെന്റെ കരളിൽ

പതിഞ്ഞ കണ്ണുരച്ചിട്ടതും

ദുഃഖമെന്നെഴുതിത്തളളിയ

വെളിച്ചമേ നീ തന്നെയല്ലേ!

ഉറക്കത്തിൻ മൂടാപ്പടിഞ്ഞ

മൃതസമാനന്റെ കാൽക്കൽവീണ്‌

ഉണരുണ്ണീ, വെളിച്ചം ദുഃഖമല്ല,-

ഇരുളും തിരിച്ചറിവിന്റെ ക-

ണ്ണുറക്കെത്തുറക്കേണ്ടതിൻ നിമിത്തമെ-

ന്നലമുറയിട്ടതുമിതേ വെളിച്ചം.

ഇലകളിൽനിന്നൂറിയിറങ്ങും

കുഞ്ഞു പുലരികളിൽനിന്നിപ്പോഴു-

മുയരുന്നതുമിതേ വനരോദനം….

വെള്ളപ്പുതപ്പണിഞ്ഞ

വെടികൊണ്ട ദേഹത്തി

ന്നോരത്തിരുളായിരുന്നോ,

വടിവാൾതല ചീന്തിക്കളഞ്ഞ

ഒരുപാതി നെഞ്ചത്തുവീ-

ണൊടുവിൽ നീയസ്തമിക്കുന്നേ?

നിണരേഖപിണയും തണൽതടങ്ങളിൽ നി-

ന്നിനിയും കുറെ വിളികൾ,

തടസ്സങ്ങളിൽ തട്ടിക്കീറിയ

വെളിച്ചത്തിൻ വിഫല ബോധനങ്ങൾ

വെളിച്ചം ദുഃഖമല്ലുണ്ണി,

വെളിച്ചമേ സുഖപ്രദം!!

Generated from archived content: poem1_nov25_08.html Author: sreekrishnadas_mathur

അഭിപ്രായങ്ങൾ

അഭിപ്രായങ്ങൾ

SHARE
Previous articleപനി
Next articleറിക്‌ടർ സ്‌കെയിൽ
Avatar
പത്തനംതിട്ടയിലെ മാത്തൂർ ഗ്രാമത്തിൽ ജനിച്ചു. മാതാവ്‌ഃ ശ്രീമതി ഇന്ദിരാമ്മ, പിതാവ്‌ഃഃ ശ്രീ ജനാർദ്ദനൻ നായർ. പ്രവാസപ്രദക്ഷിണവഴിയിലും കവിത കൂടെ കൂട്ടിയിരിക്കുന്നു. ഇപ്പോൾ മദ്രാസിൽ ഒരു സ്വകാര്യസ്ഥാപനത്തിൽ ജോലിചെയുന്നു. തപാൽ ഃ ശ്രീകൃഷ്ണദാസ്‌ മാത്തൂർ, ചെറുവള്ളിൽ വീട്‌, മാത്തൂർ തപാൽ, പത്തനംതിട്ട-689657, ഫോൺഃ 0468-2354572. ബ്ലോഗ്‌ഃ www.mathooram.blogspot.com ഇ-മെയിൽഃ s.mathoor@rediffmail.com Address: Phone: 09940556918

അഭിപ്രായം എഴുതുക

Please enter your comment!
Please enter your name here